എറണാകുളത്ത് കാര് തോട്ടിലേക്ക് മറിഞ്ഞ് രണ്ടരവയസുകാരനടക്കം മൂന്ന് മരണം
Synopsis
പറവൂര്: എറണാകുളം പറവൂരിനടുത്ത് പുത്തന്വേലിക്കരയില് കാര് തോട്ടിലേക്ക് മറിഞ്ഞ് ഒരു കുടുംബത്തിലെ മൂന്നു പേര് മരിച്ചു. തുരുത്തൂര് കൈമാത്തുരുത്തി സെബാസ്റ്റിയന്റെ ഭാര്യ മേരി(65), മകന് മെല്ബിന്റെ ഭാര്യ ഹണി(32) ഇവരുടെ മകന് ആരോണ്(രണ്ട് വയസ്സ്), എന്നിവരാണ് മരിച്ചത്. അര്ധരാത്രിയാണ് സംഭവം.
കണക്കന്കടവിനടുത്ത് പമ്പ് ഹൗസ്-ആലമറ്റം റോഡില് ചിറയ്ക്കല് തോട്ടിലേക്കാണ് കാര് മറിഞ്ഞത്. മെല്ബിനാണ് കാര് ഓടിച്ചിരുന്നത്. സംരക്ഷണ ഭിത്തിയില്ലാത്ത സ്ഥലത്തുവച്ചാണ് കാര് തോട്ടിലേക്ക് മറിഞ്ഞത്. മേരിയുടെ സഹോദരന്റെ മകന്റെ കുട്ടിയുടെ ആദ്യകുര്ബാന ചടങ്ങിനായി പോയി മടങ്ങുംവഴിയാണ് അപകടം.
വിജനമായ സ്ഥലമായതിനാല് രക്ഷാപ്രവര്ത്തനം വൈകി. ജെസിബി ഉപയോഗിച്ച് കാര് ഉയര്ത്തിയ ശേഷം നടത്തിയ തിരച്ചിലില് പുലര്ച്ചെയാണ് ആരോണിന്റെ മൃതദേഹം കണ്ടെടുത്. മൂന്നു മൃതദേഹങ്ങളും ചാലാക്ക മെഡിക്കല് കോളജിലല് സൂക്ഷിച്ചിരിക്കുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam