തോക്കൂചൂണ്ടിയതിന് പി.സി ജോര്‍ജ്ജിനെതിരെ കൊലപാതക ശ്രമത്തിന് കേസ്

മുണ്ടക്കയം: എസ്റ്റേറ്റ് തൊഴിലാളികള്‍ക്ക് നേരെ തോക്കുചൂണ്ടിയ സംഭവത്തില്‍ പി.സി.ജോര്‍ജ് എം.എല്‍.എക്കെതിരെ കൊലപാത ശ്രമത്തിന് പൊലീസ്. അസഭ്യം പറയുക, അവഹേളിക്കുക, ഭീഷണിപ്പെടുത്തുക, കൊലപാതക ശ്രമം എന്നീ വകുപ്പുകള്‍ ചുമത്തിയാണ് മുണ്ടക്കയം പൊലീസ് കേസെടുത്തിരിക്കുന്നത്.

ഇന്നലെ മുണ്ടക്കയം എസ്‌റ്റേറ്റിലായിരുന്നു സംഭവം. ഭൂമി കയ്യേറിയെന്ന പരാതി പരിശോധിക്കാന്‍ എത്തിയ എംഎല്‍എ, സംസാരത്തിനിടെ തോക്ക് ചുണ്ടി അദ്ദേഹം കയര്‍ക്കുകയായിരുന്നു. ആസിഡ് ഒഴിക്കുമെന്ന് പി.സി ജോര്‍ജ് ഭീഷണിപ്പെടുത്തിയതായും തൊഴിലാളികള്‍ ആരോപിക്കുന്നുണ്ട്. എന്നാല്‍ കയ്യേറ്റത്തിന് ശ്രമിച്ചപ്പോള്‍ സ്വയരക്ഷാര്‍ത്ഥമാണ് തോക്ക് എടുത്തതെന്നാണ് എന്നാണ് പി.സി ജോര്‍ജ്ജിന്റെ വാദം.