ശശി തരൂരിനെതിരെ കുറ്റപത്രം; രാജിവെക്കണമെന്ന് ബിജെപി, കുറ്റം ചുമത്തിയത് രാഷ്ട്രീയപ്രേരിതമെന്ന് ചെന്നിത്തല

ഗാര്‍ഹിക പീഡനം, ആത്മഹത്യാ പ്രേരണ കുറ്റങ്ങള്‍ എന്നിവയാണ് കുറ്റപത്രത്തില്‍ ശശിതരൂരിനെതിരെ ചുമത്തിയിരിക്കുന്നത്

ദില്ലി:സുനന്ദ പുഷ്ക്കറിന്‍റെ മരണത്തില്‍ ശശി തരൂരിനെതിരെ ജാമ്യമില്ലാ കുറ്റങ്ങള്‍ ചുമത്തിയതിനെതിരെ ചെന്നിത്തല. അതേ സമയം ശശി തരൂര്‍ എംപി സ്ഥാനം രാജിവെക്കണമെന്ന് ബിജെപി ആവശ്യപ്പെട്ടു.  ശശി തരൂരിനെതിരെ കുറ്റം ചുമത്തിയത് രാഷ്ട്രീയപ്രേരിതമെന്നാണ് ചെന്നിത്തല പറഞ്ഞത്. സുനന്ദ പുഷ്കറിന്‍റെ മരണം ആത്മഹത്യയെന്നാണ് ദില്ലി പൊലീസ് കുറ്റപത്രത്തില്‍ വ്യക്തമാക്കിയിരിക്കുന്നത്. ഗാര്‍ഹിക പീഡനം, ആത്മഹത്യാ പ്രേരണ കുറ്റങ്ങള്‍ എന്നിവയാണ് കുറ്റപത്രത്തില്‍ ശശിതരൂരിനെതിരെ ചുമത്തിയിരിക്കുന്നത്.

പത്തുവര്‍ഷം വരെ തടവും പിഴയും കിട്ടാവുന്ന വകുപ്പുകളാണ് തരൂരിനെതിരെ ചുമത്തിയിട്ടുള്ളത്. കേസ് വീണ്ടും പരിഗണിക്കുമ്പോൾ ശശി തരൂരിനോട് നേരിട്ട് ഹാജരാകാൻ ആവശ്യപ്പെടണമെന്ന് ദില്ലി പൊലീസ് കോടതിയിൽ ആവശ്യപ്പെട്ടു.നാല് കൊല്ലം മുന്‍പാണ് ഡല്‍ഹിയില്‍ പഞ്ചനക്ഷത്ര ഹോട്ടലില്‍ വച്ച് സുനന്ദയെ മരിച്ച നിലയില്‍ കണ്ടെത്തിയത്.