സഹകരണ ബാങ്കുകൾ മൈക്രോ ഫിനാൻസ് രംഗത്തേക്കും
Synopsis
സഹകരണ ബാങ്കുകൾ മൈക്രോ ഫിനാൻസ് രംഗത്തേക്കും
തിരുവനന്തപുരം: സഹകരണ ബാങ്കുകൾ മൈക്രോ ഫിനാൻസ് രംഗത്തേക്കും വ്യാപകമാക്കുമെന്ന് മന്ത്രി കടകംപള്ളി സുരേന്ദ്രന്. കുടുംബശ്രീകൾക്ക് ഒമ്പത് ശതമാനം പലിശക്ക് വായ്പ നൽകും. കുടുംബശ്രീകൾക്ക് ആ തുക 12 ശതമാനം പലിശ നിരക്കില് അംഗങ്ങൾക്ക് നൽകാനാകുന്ന രീതിയിലായിരിക്കും പദ്ധതി.
മുറ്റത്തെ മുല്ല എന്ന പേരിൽ 26ന് പാലക്കാട് പദ്ധതി തുടങ്ങും. അനധികൃത പണമിടപാടുകാര് സമൂഹത്തില് ഉണ്ടാക്കുന്ന പ്രശ്നങ്ങള് പരിഹരിക്കാന് പോന്ന തരത്തിലായിരിക്കും പദ്ധതി നടപ്പാക്കുകയെന്നും കടകംപള്ളി നിയമസഭയില് പറഞ്ഞു. ഓണക്കാലത്തോടെ കേരളം ബാങ്ക് യാഥാർഥ്യമാകുമെന്നും, നിലവിലെ ജീവനക്കാരുടെ താൽപര്യങ്ങൾ സംരക്ഷിച്ചു മാത്രമേ കേരളം ബാങ്ക് രൂപികരിക്കുവെന്നും മന്ത്രി വ്യക്തമാക്കി.
അതേസമയം പങ്കാളിത്ത പെന്ഷന് പുന:പരിശോധിക്കാന് സമിതിയെ ചുമതലപ്പെടുത്തുമെന്ന് ധനമന്ത്രി തോമസ് ഐസക് സഭയില് പറഞ്ഞു. ജഡ്ജി അടങ്ങുന്ന സമിതിയെ രണ്ടാഴ്ച്ചക്കകം നിയമിക്കും. പങ്കാളിത്ത പെൻഷൻ പദ്ധതിയിൽ നിന്നു പിന്മാറുമ്പോൾ ഉള്ള പ്രത്യാഘാതങ്ങള് പഠിക്കണം. കുടുങ്ങിയാല് ഊരിപ്പോകാന് സാധിക്കാത്ത തരത്തിലാണ് ചില സംവിധാനങ്ങളെന്നും പുന: പരിശോധിക്കുമെന്നും മന്ത്രി വ്യക്തമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam