മുസ്ലീം ലീഗുകാര്ക്ക് കോണ്ഗ്രസ് ഓഫീസില് വിലക്ക്
Synopsis
ചെറുവട്ടുരിലെ കോണ്ഗ്രസ് ഓഫീസില് ലീഗുകാക്ക് പ്രവേശനമില്ലെന്ന ബോര്ഡ് സ്ഥാപിച്ചിതോടെയാണ് വാഴക്കാട് പഞ്ചായത്തിലെ ലീഗ് കോണ്ഗ്രസ് ബന്ധം വീണ്ടും വഷളാകുന്നത്. ലീഗുമായി രുക്ഷമായ പ്രശ്നങ്ങള് ഉണ്ടായതോടെയാണ് കോണ്ഗ്രസ് സി പി എമ്മുമായി ചേര്ന്ന് വാഴക്കാട് പഞ്ചായത്തില് ഭരണത്തിലേറിയത്. ഇതിനുശേഷവും ലീഗ് പ്രവര്ത്തകര് കോണ്ഗ്രസ് ഓഫീസില് പത്രം വായിക്കാനും മറ്റും എത്തുന്നതാണ് കോണ്ഗ്രസുകാരെ ചൊടിപ്പിച്ച്ത്. കാലങ്ങളായി വഞ്ചന തുടരുന്ന ലീഗുകാരോട് ഇതല്ലാതെ വേറെ വഴിയില്ലെന്ന നിലപാടിലാണ് കോണ്ഗ്രസിന്റെ പ്രാദേശിക നേതാക്കള്.
ചെറുവട്ടുരിലെ കോണ്ഗ്രസുകാര് അവരുടെ സംസ്ക്കാരമാണ് കാണിക്കുന്നതെന്ന നിലപാടിലാണ് പ്രാദേശിക ലീഗ് നേതൃത്വം.
ലീഗ് ഓഫീസുകളിലേക്ക് എല്ലാവര്ക്കും സ്വാഗതമുണ്ടെന്നുമാണ് ലീഗിന്റ മറുപടി.
പ്രശ്നം വിവാദമായതോടെ ഓണക്കിറ്റ് വിതരണത്തിന്റ ഒരു ഫ്ലക്സ് ബോര്ഡ് വാതിലിന് മുകളില് സ്ഥാപിച്ചിട്ടുണ്ട്. വാഴക്കാട്ടെ കോണ്ഗ്രസ് ലീഗ് അനൈക്യം കാലങ്ങലായി നിലനില്ക്കുന്നതാണ് ഇത് കൂടുതല് വഷളാകുന്നതിലേക്കാണ് പുതിയ സംഭവവികാസങ്ങള് എത്തിനില്ക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam