കോണ്‍ഗ്രസ് നേതാവ് ബോംബ് പൊട്ടി മരിച്ചു

ഹൈദരാബാദ് : തെലങ്കാനയില്‍ ബോംബ് പൊട്ടി കോണ്‍ഗ്രസ് നേതാവ് മരിച്ചു. തെലങ്കാനയിലെ നല്‍ഗൊണ്ട ജില്ലയില്‍ ഇന്ന് രാവിലെയാണ് ഉറങ്ങിക്കിടന്ന കോണ്‍ഗ്രസ് പ്രാദേശിക നേതാവ് എന്‍ ധര്‍മ്മ നായിക് ബോംബ് പൊട്ടി മരിച്ചത്. ഇയാളുടെ കിടക്കയ്ക്ക് അടിയിലാണ് ബോംബ് വച്ചിരുന്നത്. 

പ്രതിയെ ഇതുവരെ കണ്ടെത്താനായില്ല. ബോംബ് പൊട്ടി ഇയാളുടെ ശരീരം ചിന്നിച്ചിതറി. സംഭവം വ്യക്തിപരമായ ശത്രുതയാണ് കൊലപാതകത്തിന് പിന്നിലെന്നാണ് പൊലീസ് നിഗമനം. 

ഒരു മാസം മുമ്പ് കോണ്‍ഗ്രസിന്റെ മുതിര്‍ന്ന നേതാവും നല്‍ഗൊണ്ട മുന്‍സിപ്പല്‍ ചെയര്‍പേഴ്‌സണുമായ ബോഡു ലക്ഷ്മിയുടെ ഭര്‍ത്താവ് ബോഡുപ്പള്ളി ശ്രീനിവാസ് മര്‍ദ്ദിച്ച് കൊലപ്പെടുത്തിയിരുന്നു. വീടിന് തൊട്ടടുത്തുള്ള കനാലില്‍നിന്നാണ് ഇയാളുടെ മൃതദേഹം കണ്ടെത്തിയത്.