നെല്വയല്, തണ്ണീര്ത്തട നിയമത്തിലെ ഇളവിനെതിരെ സിപിഐ
Synopsis
നെല്വയല്, നീർത്തട സംരക്ഷണ നിയമം ഭേദഗതി നെല്വയല്, തണ്ണീര്ത്തട നിയമത്തില് ഇളവിനെതിരെ സിപിഐ
തിരുവനന്തപുരം: നെല്വയല്, തണ്ണീര്ത്തട നിയമത്തിലെ ഇളവിനെതിരെ സിപിഐ. നിയമത്തിന്റെ പരിധിയില് നിന്ന് നഗരപ്രദേശങ്ങളെ ഒഴിവാക്കാനുള്ള നീക്കം അംഗീകരിക്കാനാവില്ലെന്ന് സിപിഐ വ്യക്തമാക്കി. നിയമത്തിൽ ഇളവ് സംബന്ധിച്ച നയരൂപീകരണത്തിമ് സിപിഐയും സിപിഎമ്മും തമ്മില് എകെജി സെന്റിറില് നടന്ന ഉഭയകക്ഷി ചര്ച്ചയിലാണ് ഇക്കാര്യം അറിയിച്ചത്.
നെല്വയല്, നീർത്തട സംരക്ഷണ നിയമം ഭേദഗതി ബില് നിയമസഭ ചർച്ച ചെയ്യാൻ ചേര്ന്ന ഉന്നതതലയോഗത്തിലാണ് സിപിഐ നിലപാട് വ്യക്തമാക്കിയത്. ഏകെജി സെന്ററിൽ മുഖ്യമന്ത്രി വിളിച്ച യോഗത്തില് കോടിയേരി ബാലകൃഷ്ണന്, കാനം രാജേന്ദ്രന്, റവന്യൂ, നിയമം, ടൂറിസം, തദ്ദേശഭരണം, കൃഷി മന്ത്രിമാരും യോഗത്തിൽ പങ്കെടുക്കുന്നുണ്ട്.
നഗരപ്രദേശങ്ങളില് നെല്വയല്, തണ്ണീര്ത്തടനിയമത്തില് ഇളവ് നല്കുന്നത് സംബന്ധിച്ച് തീരുമാനം എടുക്കാനാണ് മുഖ്യമന്ത്രി യോഗം വിളിച്ചത്. തിരുവനന്തപുരം, എറണാകുളം നഗരങ്ങളെ നിയമത്തില്നിന്ന് ഒഴിവാക്കാനാണ് നീക്കം. നെല്വയല്നിയമ ഭേദഗതി നിയമസഭയുടെ സബ്ജക്ട് കമ്മറ്റി പരിഗണിക്കുന്നതിനിടയിലാണ്, നിയമത്തില് കൂടുതല് വെള്ളം ചേര്ത്ത് നഗര പ്രദേശങ്ങളെ ഒഴിവാക്കാനുള്ള നീക്കം ഉണ്ടായത്.
പൊതു ആവശ്യങ്ങള്ക്ക് നികത്താനുള്ള അനുമതി നല്കുന്നതിനുള്ള നടപടിക്രമങ്ങള് ലളിതവത്ക്കരിക്കാനാണ് നിയമഭേദഗതി കൊണ്ടുവന്നത്. ഇതിനോടും റവന്യൂ, കൃഷി വകുപ്പുകള് കൈകാര്യം ചെയ്യുന്ന സിപിഐക്ക് പൂര്ണ്ണയോജിപ്പില്ല. ഈ സാഹചര്യത്തിലാണ് കൂടുതല് ഇളവ് നല്കി നിയമം തന്നെ അപ്രസക്തമാക്കുന്നതിലുള്ള വിയോജിപ്പ് സിപിഐ അറിയിച്ചത്. മുഖ്യമന്ത്രിയുടെ അധ്യക്ഷതയില് കൃഷി, റവന്യൂ, ടൂറിസം മന്ത്രിമാരുടെ യോഗം സെക്രട്ടേറിയറ്റില് ചേരുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam