വ്യവസായിയെ ഭീഷണിപ്പെടുത്തിയ കേസില് പ്രതിയായ സിപിഎം ഏരിയാ സെക്രട്ടറി ഒളിവിലെന്ന് പൊലീസ്
Synopsis
വ്യവസായി ജൂബി പൗലോസിന്റെ പരാതിയിലാണ് സിപിഎം ജില്ലാ കമ്മറ്റി അംഗവും, കളമശ്ശരി ഏരിയാസെക്രട്ടറിയും,ജില്ലാ സ്പോര്ട്സ് കൗണ്സില് പ്രസിഡന്റുമായി സക്കീര് ഹൂസൈനെ ഒന്നാം പ്രതിയാക്കി പ്രത്യേക പോലീസ് സംഘം കേസെടുത്തത്. ഇന്നലെ രാത്രി മുതല് സക്കീര് ഹൂസൈനെ പോലീസ് അന്വേഷിക്കുന്നുണ്ട്.കളമശ്ശേരി ഏരിയാ കമ്മറ്റി ഓഫീസിലും,വീട്ടിലും തിരിച്ചില് നടത്തി.സക്കീര് ഹൂസൈന് ഒളിവിലാണെന്നാണ് പോലീസ് പറയുന്നത്.
ഇയാള്ക്കെതിരെ കൂടുതല് പരാതികള് പോലീസിന് ലഭിക്കുന്നുണ്ട്.അതേസമയം രേഖാമൂലം ആരും പരാതി നല്കാന് ധൈര്യപ്പെടാത്തതാണ് പോലീസിനെ കുഴക്കുന്നത്.കോടിയേരി ബാലകൃഷ്ണന്റെ ക്വട്ടേഷനാണെന്ന് പറഞ്ഞാണ് തന്നെ സക്കീര് ഹൂസൈന് ഭീഷണിപ്പെടുത്തിയതെന്ന് വ്യവസായി ജൂബി പൗലോസ് ഏഷ്യാനെറ്റ് ന്യുസിനോട് പറഞ്ഞു
തനിക്കനുകൂലമായി കോടതി വിധി ഉണ്ടായിട്ടും,സിപിഎം പ്രദേശിക നേതൃത്വത്തിന്റെ ഇടപെടലില് പോലീസ് അത് നടപ്പിലാക്കാന് തയ്യാറായില്ലെന്ന്,ജൂബി പൗലോസ് അരോപിച്ചിരുന്നു.ഇതിന്റെ അടിസ്ഥാനത്തില് കേസ് ഫയലുകള് ഡെപ്യൂട്ടി കമ്മീഷണര് പരിശോധിക്കുകയാണ്.തൃക്കാക്കര മുന് അസി കമ്മീഷണറടക്കമുള്ള പോലീസ് ഉദ്യോഗസ്ഥര്ക്കെതിരെ നടപടിക്ക് ശുപാര്ശ ചെയ്യുമെന്ന് ഉന്നതപോലീസ് വൃത്തങ്ങള് വ്യക്തമാക്കിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam