വിദ്യാര്ത്ഥിയുടെ ചോറ്റ്പാത്രത്തില് കൊടുംവിഷമുള്ള പാമ്പ്
Synopsis
മകന്റെ ചോറ്റുപാത്രം പരിശോധിച്ച അമ്മ അതില് നിന്നും കണ്ടെത്തിയത് കൊടുംവിഷമുള്ള പാമ്പിനെ
മെല്ബണ്: മകന്റെ ചോറ്റുപാത്രം പരിശോധിച്ച അമ്മ അതില് നിന്നും കണ്ടെത്തിയത് കൊടുംവിഷമുള്ള പാമ്പിനെ. ഓസ്ട്രേലിയയിലെ അഡലെയ്ഡിലാണ് ഞെട്ടിപ്പിക്കുന്ന സംഭവം. സ്കൂളില് പോകും മുന്പ് ചോറ്റുപാത്രത്തില് സ്നാക്സും ആപ്പിളും എടുത്ത് വെച്ചതിന് ശേഷമാണ് പാത്രത്തില് ഒളിച്ചിരിക്കുന്ന പാമ്പിനെ അമ്മ കണ്ടെത്തിയത്.
ഉടന് തന്നെ പാത്രം മൂടിയ യുവത വിദഗ്ധനായ റോളി ബറലെയെ വിളിച്ചു. പാത്രത്തിന്റെ അടപ്പിന്റെ വക്കിലുള്ള നേരിയ വിടവിലാണ് പാമ്പ് കയറിയിരുന്നത്. ഓസ്ട്രേലിയയില് ഏറ്റവും കൂടുതല് കാണപ്പെടുന്ന അപകടകാരിയായ ബ്രൗണ് സ്നേക്ക് ഇനത്തില് പെട്ട പാമ്പിന്റെ കുഞ്ഞിനെയാണ് പാത്രത്തില് നിന്നും കിട്ടിയത്.
പാമ്പിന് വെറും രണ്ടാഴ്ച മാത്രമായിരുന്നു പ്രായം. തീരെ ചെറിയ പാമ്പായതിനാലാണ് ഈ വിടവില് ഒതുങ്ങി കിടക്കാന് ഇതിന് കഴിഞ്ഞതെന്ന് ബറല് പറഞ്ഞു. മറ്റ് പാമ്പിന്കുഞ്ഞുങ്ങളോ പാമ്പോ വീട്ടിലുണ്ടോയെന്നറിയാന് തിരച്ചില് നടത്തിയെങ്കിലും ഒന്നിനേയും കണ്ടത്താനായില്ല.
ഓസ്ട്രേലിയയില് ഇപ്പോള് ചൂട് കൂടുതലായതിനാല് തണുപ്പ് തേടിയാകാം പാമ്പ് ഇതിനുള്ളില് കയറിക്കൂടിയതെന്നാണ് നിഗമനം. ബ്രൗണ് സ്നേക്കിന്റെ മുട്ടകള് വിരിഞ്ഞ് കുഞ്ഞുങ്ങള് കൂട്ടത്തോടെ പുറത്തു വരുന്ന സമയമാണിത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam