9000 മുതല്‍ 18,000 രൂപവരെ പിഴ; ഈ നാട്ടില്‍  ബു​ർ​ഖ ധരിച്ചാല്‍

മു​സ്ലിം ​സ്ത്രീ​ക​ൾ ധ​രി​ക്കു​ന്ന ബു​ർ​ഖ, നി​ഖാ​ബ് എന്നിവ പൊതുസ്ഥലങ്ങളില്‍ ധരിക്കുന്നത് ഓഗസ്റ്റ് ഒന്നുമുതല്‍ ഡെ​ൻ​മാ​ർ​ക്കില്‍ നിരോധിക്കും

കോ​പ്പ​ൻ​ഹേ​ഗ​ൻ: മു​സ്ലിം ​സ്ത്രീ​ക​ൾ ധ​രി​ക്കു​ന്ന ബു​ർ​ഖ, നി​ഖാ​ബ് എന്നിവ പൊതുസ്ഥലങ്ങളില്‍ ധരിക്കുന്നത് ഓഗസ്റ്റ് ഒന്നുമുതല്‍ ഡെ​ൻ​മാ​ർ​ക്കില്‍ നിരോധിക്കും. പാ​ർ​ല​മെ​ന്‍റി​ലെ ഭൂ​രി​ഭാ​ഗം പാ​ർ​ട്ടി​ക​ളും നി​രോ​ധ​ന​ത്തെ പി​ന്തു​ണ​ച്ച​തോ​ടെ​യാ​ണ് സ​ർ​ക്കാ​ർ നി​രോ​ധ​നം ഏ​ർ​പ്പെ​ടു​ത്താ​ൻ കഴിഞ്ഞ ഒക്ടോബറില്‍ തീരുമാനിച്ചിരുന്നു. ക​ണ്ണു​മാ​ത്രം പു​റ​ത്തു കാ​ണു​ന്ന രീ​തി​യി​ൽ ധ​രി​ക്കു​ന്ന മു​ഖാ​വ​ര​ണ​ത്തി​നും ക​ണ്ണി​ന്‍റെ സ്ഥാ​ന​ത്ത് നേ​ർ​ത്ത തു​ണി​കൊ​ണ്ടു​ള്ള പൂ​ർ​ണ​മാ​യി മ​റ​യ്ക്കു​ന്ന മു​ഖാ​വ​ര​ണ​ത്തി​നു​മാ​ണ് ഡെ​ൻ​മാ​ർ​ക്ക് നി​രോ​ധ​നം ഏ​ർ​പ്പെ​ടു​ത്തു​ക. 

അതേ സമയം ഡെന്മാർക്കിന്‍റെ ഈ തീരുമാനത്തെ സംബന്ധിച്ച് യു.എ.ഇ തങ്ങളുടെ ഡെന്‍മാര്‍ക്കിലെ പൗരന്മാര്‍ക്ക്  എംബസി വഴി മുന്നറിയിപ്പ് നല്‍കി. ഓഗസ്റ്റ് ഒന്നു മുതൽ നിയമം പ്രാബല്യത്തിൽ വരും. നിയമം ലംഘിക്കുന്നവർക്ക് ആദ്യ മൂന്നു പ്രാവശ്യം 1000 ദിർഹം വീതം പിഴയും നാലാമത്തെ പ്രാവശ്യം ലംഘിച്ചാൽ 10,000 ദിർഹം പിഴയും ഒടുക്കേണ്ടി വരുമെന്നാണ് മുന്നറിയിപ്പ്. ഇന്ത്യന്‍ രൂപയില്‍ ഇത് 9000വും,18,000 രൂപയും ആയിരിക്കും.

കഴിഞ്ഞ വര്‍ഷം ബു​ർ​ഖ നിരോധനത്തിന്  ഡെ​ൻ​മാ​ർ​ക്ക് കൂ​ട്ടു​മ​ന്ത്രി​സ​ഭ​യി​ലെ സ​ഖ്യ​ക​ക്ഷി​യാ​യ ഡാ​നി​ഷ് പീ​പ്പി​ൾ​സ് പാ​ർ​ട്ടി​യും മു​ഖ്യ പ്ര​തി​പ​ക്ഷ​മാ​യ സോ​ഷ്യ​ൽ ഡെ​മോ​ക്രാ​റ്റു​ക​ളും നി​രോ​ധ​ന​ത്തി​ന് അ​നു​കൂ​ല നി​ല​പാ​ടാ​ണ് സ്വീ​ക​രി​ച്ച​ത്. മു​ഖാ​വ​ര​ണം നി​രോ​ധി​ക്കാ​നു​ള്ള തീ​രു​മാ​നം ഫ​ല​പ്ര​ദ​മാ​ണെ​ന്നും ഇ​ത് മ​ത​പ​ര​മാ​യ പ്ര​ശ്ന​മ​ല്ലെ​ന്നും ലി​ബ​റ​ൽ പാ​ർ​ട്ടി വ​ക്താ​വ് ജേ​ക്ക​ബ് എ​ലെ​മാ​ൻ പ​റ​ഞ്ഞു. 

മു​ഖാ​വ​ര​ണം ധ​രി​ക്കു​ന്ന​ത് സം​ബ​ന്ധി​ച്ച് യൂ​റോ​പ്യ​ൻ രാ​ജ്യ​ങ്ങ​ളി​ലെ ജ​ന​ങ്ങ​ൾ​ക്കി​ട​യി​ൽ വ്യ​ത്യ​സ്ത അ​ഭി​പ്രാ​യ​മാ​ണു​ള്ള​ത്. മു​ഖാ​വ​ര​ണം ധ​രി​ക്കു​ന്ന​ത് മ​ത​പ​ര​മാ​യ സ്വാ​ത​ന്ത്ര്യ​മാ​ണെ​ന്ന് ഒ​രു വി​ഭാ​ഗം വാ​ദി​ക്കുമ്പോള്‍, അ​ന്യ​ദേ​ശ സം​സ്കാ​ര​വും സ്ത്രീ​ക​ളോ​ടു​ള്ള വി​വേ​ച​ന​ത്തി​ന്‍റെ പ്ര​തീ​ക​വും ആ​ണെ​ന്നാ​ണ് മ​റു വി​ഭാ​ഗം അ​ഭി​പ്രാ​യ​പ്പെ​ടു​ന്ന​ത്. 

ഡെ​ൻ​മാ​ർ​ക്കി​ൽ ഏ​ക​ദേ​ശം ര​ണ്ടാ​യി​ര​ത്തോ​ളം മു​സ്ലിം ​സ്ത്രീ​ക​ൾ മു​ഖാ​വ​ര​ണം ധ​രി​ക്കു​ന്ന​താ​യി വി​വി​ധ പ​ഠ​ന​ങ്ങ​ൾ കാ​ണി​ക്കു​ന്നു. ഫ്രാ​ൻ​സ്, ബെ​ൽ​ജി​യം, നെ​ത​ർ​ലാ​ൻ​ഡ്സ്, ബ​ൾ​ഗേ​റി​യ എ​ന്നീ രാ​ജ്യ​ങ്ങ​ളി​ൽ പൊ​തു​സ്ഥ​ല​ങ്ങ​ളി​ൽ പൂ​ർ​ണ​മോ ഭാ​ഗി​ക​മോ ആ​യി മു​ഖാ​വ​ര​ണ​ങ്ങ​ൾ ധ​രി​ക്കു​ന്ന​തി​ന് നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ട്. നോ​ർ​വെ സ​ർ​ക്കാ​ർ കി​ന്‍റ​ർ​ഗാ​ർ​ഡ​ൻ, വി​ദ്യാ​ല​യ​ങ്ങ​ൾ, സ​ർ​വ​ക​ലാ​ശാ​ല​ക​ൾ എ​ന്നി​വി​ട​ങ്ങ​ളി​ൽ മു​സ് ലിം ​സ്ത്രീ​ക​ൾ മു​ഖാ​വ​ര​ണം ധ​രി​ക്കു​ന്ന​ത് 2017 ജൂ​ണി​ൽ നി​രോ​ധി​ച്ചി​രു​ന്നു.