ധോണിയ്ക്ക് മുപ്പത്തിയേഴാം പിറന്നാൾ: പപ്പയ്ക്ക് വയസ്സായെന്ന് ഓർമ്മിപ്പിച്ച് ആശംസകളുമായി സിവ

പപ്പയ്ക്ക് വയസ്സായെന്ന് ഓർമ്മിപ്പിച്ച് കുഞ്ഞു സിവ ധോണിക്ക് മുപ്പത്തിയേഴാം പിറന്നാൾ

മുംബൈ: മുപ്പത്തിയേഴാം പിറന്നാൾ ആഘോഷിച്ച് ഇന്ത്യൻ ക്യാപ്റ്റൻ മഹേന്ദ്രസിം​ഗ് ധോണി. എല്ലാവരും പിറന്നാൾ ആശംസകൾ നേർന്നപ്പോൾ‌ മകൾ സിവ പപ്പയ്ക്ക് നൽകിയത് വേറിട്ടൊരു ആശംസയാണ്. ''ഹാപ്പി ബർ‌ത്ത്ഡേ പപ്പ, പപ്പയ്ക്ക് വയസ്സായിരിക്കുന്നു, ഐ ലവ് യൂ പപ്പ''  എന്നായിരുന്നു സിവയുടെ ആശംസ. ഭാര്യ സാക്ഷി, മകൾ സിവ, ടീമം​ഗങ്ങൾ എന്നിവർക്കൊപ്പം കേക്ക് മുറിച്ചാണ് ധോണി തന്റെ പിറന്നാൾ ആഘോഷിച്ചത്. ബോളിവുഡ്ഡ് നടിയും വിരാട് കോ​ഹ്ലിയുടെ ഭാര്യയുമായ അനുഷ്ക ശർമ്മയും പിറന്നാളിനെത്തിയിരുന്നു.  

ബിസിസിഐയുടെ ഔദ്യോ​ഗിക ട്വിറ്റർ പേജിലാണ് ധോണിയുടെ പിറന്നാൾ ആഘോഷങ്ങൾ പോസ്റ്റ് ചെയ്തിരിക്കുന്നത്. സുരേഷ് റെയ്ന, വീരേന്ദ്ര സേവാ​ഗ്, ജസ്പ്രീത് ബുംമ്ര, ഭാര്യ സാക്ഷി എന്നിവർ‌ ധോണിക്ക് ആശംസകൾ നേർന്നു. 2004 ലാണ് ധോണി രാജ്യാന്തര ക്രിക്കറ്റിൽ പ്രവേശിക്കുന്നത്. ഈയിടെ നടന്ന ഇം​ഗ്ളണ്ടിനെതിരായ റ്റി20 മത്സരം ഉൾപ്പെടെ അഞ്ഞൂറ് അന്താരാഷ്ട്ര മത്സരങ്ങൾ ധോണി പിന്നിട്ടു.