വാഷിങ്ടണ്‍: ടൈം മാസികയുടെ പേഴ്സണ് ഓഫ് ദി ഇയര്‍ പുരസ്‌കാരം നിരസിച്ചതായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. പുരസ്‌കാരം ലഭിക്കുമോ എന്ന കാര്യം വ്യക്തമാക്കാത്തതിനാല്‍ ടൈംസ് മാസികയുടെ ഫോട്ടോഷൂട്ടും അഭിമുഖവും വേണ്ടെന്നു വച്ചതായി ട്രംപിന്റെ ട്വീറ്റ്.
വെള്ളിയാഴ്ച ട്വിറ്ററിലൂടെയാണ് ട്രംപ് ഇക്കാര്യം അറിയിച്ചത്. കഴിഞ്ഞ വര്‍ഷത്തെതു പോലെ മാന്‍ ഓഫ് ദ ഇയറായി തെരഞ്ഞെടുക്കപ്പെടാന്‍ സാധ്യതയുണ്ടെന്ന് അറിയിക്കാനായി ടൈംസ് മാസിക വിളിച്ചിരുന്നു. പക്ഷെ അഭിമുഖത്തിനും ഫോട്ടോ ഷൂട്ടിനും ഞാന്‍ സമ്മതിക്കണം. ഞാന്‍ അത് വേണ്ടെന്നു വച്ചു - ട്രംപ് ട്വിറ്ററില്‍ കുറിച്ചു.
Time Magazine called to say that I was PROBABLY going to be named “Man (Person) of the Year,” like last year, but I would have to agree to an interview and a major photo shoot. I said probably is no good and took a pass. Thanks anyway!
— Donald J. Trump (@realDonaldTrump)2016 ലെ പേഴ്സണ് ഓഫ് ദ ഇയര്‍ പുരസ്‌കാരം ട്രംപിനായിരുന്നു ലഭിച്ചത്. പ്രസിഡന്റ് ഓഫ് ദ ഡിവൈഡഡ് സ്റ്റേറ്റ്സ് ഓഫ് അമേരിക്ക എന്ന തലക്കെട്ടിലായിരുന്നു ട്രംപിനെ പേഴ്സണ് ഓഫ് ദ ഇയറായി തിരഞ്ഞെടുത്തു കൊണ്ടുള്ള എഡിഷന്‍ ടൈംസ് പുറത്തിറക്കിയത്. 2012, 2014, 2015 വര്‍ഷങ്ങളില്‍ തന്നെ പേഴ്സണ് ഓഫ് ദ ഇയറായി തിരഞ്ഞെടുക്കാത്തതില്‍ ട്വിറ്ററിലൂടെ ട്രംപ് അതൃപ്തി അറിയിച്ചിരുന്നു.