കളക്ടറേറ്റ് വളപ്പില് മദ്യപിച്ച് ബഹളംവച്ചു; നാല് ജില്ലാപഞ്ചായത്ത് ജീവനക്കാര് അറസ്റ്റില്
Synopsis
പത്തനംതിട്ട: കളക്ടറേറ്റ് വളപ്പില് മദ്യപിച്ച് ബഹളം കൂട്ടിയ ജില്ലാ പഞ്ചായത്തിലെ നാല് ജീവനക്കാര് അറസ്റ്റില്. ലിജോ വി മാത്യു, ജിതേഷ്, റാവു, സുജിത്ത് എന്നിവരാണ് അറസ്റ്റിലായത്. ഞായറാഴ്ച രാത്രി 11.30 നാണ് സംഭവം. ജില്ലാ കേരളോത്സവവുമായി ബന്ധപ്പെട്ട് ജില്ലാ പഞ്ചായത്ത് ഡ്യൂട്ടിയില് ഉണ്ടായിരുന്നവരാണ് നാലുപേരും.
ഭക്ഷണം കഴിക്കാന് പോയി വന്ന ഇവര് കലക്ടറേറ്റിലെ റവന്യൂ വിഭാഗം ജീവനക്കാരുമായി വാക്കേറ്റമുണ്ടായി. കലക്ടറേറ്റ് കവാടത്തിലെ ഗ്രില് തുറക്കണം എന്നാവശ്യപ്പെട്ടായിരുന്ന ബഹളം. റവന്യൂ ജീവനക്കാര് വിവരം കലക്ടറെ അറിയിച്ചു. കളക്ടര് എസ്.പിയോട് പരാതിപ്പെട്ടതിന്റെ അടിസ്ഥാനത്തില് പോലീസ് എത്തി നാലുപേരെയും കസ്റ്റഡിയില് എടുക്കുകയും പിന്നീട് വിട്ടയയ്ക്കുകയുമായിരുന്നു
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam