എടപ്പാള് പീഡനം, അറസ്റ്റ് വൈകിയത് പൊലീസ് സേനയ്ക്ക് നാണക്കേട്; വിമര്ശനവുമായി സ്പീക്കര്
Synopsis
തെളിവുണ്ടായിട്ടും നടപടിയെടുത്തില്ല അറസ്റ്റ് വൈകിയത് പൊലീസിന്റെ പരാജയം രൂക്ഷ വിമര്ശനവുമായി സ്പീക്കര്
കൊച്ചി: എടപ്പാളിലെ തിയറ്ററിൽ പത്തുവയസ്സുകാരി പീഡനത്തിന് ഇരയായ സംഭവത്തിൽ പൊലീസിനെതിരെ വിമര്ശനവുമായി സ്പീക്കര് പി.ശ്രീരാമകൃഷ്ണൻ. സംഭവത്തില് പ്രതിയെ അറസ്റ്റ് ചെയ്യാൻ വൈകിയത് പൊലീസിന്റെ പരാജയമാണെന്നും സംസ്ഥാനത്തെ പൊലീസ് സേനയ്ക്കു വലിയ നാണക്കേടുണ്ടാക്കിയെന്നും അദേഹം പറഞ്ഞു. കൊച്ചിയിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
വിശ്വസനീയമായ തെളിവുകളാണ് പ്രതിക്കെതിരെ ഉണ്ടായിരുന്നത്. എന്നിട്ടും പൊലീസ് ഉടൻ നടപടിയെടുക്കാത്തത് അവിശ്വസനീയമാണ്. 50 മിനിറ്റ് വിഡിയോ ദൃശ്യം വിശ്വസനീയമായ തെളിവാണ്. കേസെടുക്കാൻ വൈകിയതിന് ചങ്ങരംകുളം എസ്ഐയെ സസ്പെൻഡ് ചെയ്തിട്ടുണ്ട്. സംഭവത്തെക്കുറിച്ചും സ്ഥിതിഗതിയെക്കുറിച്ചും വിശദമായി പഠിച്ച് ആവശ്യമെങ്കിൽ കൂടുതൽ നടപടി സ്വീകരിക്കുമെന്നും സ്പീക്കര് പി. ശ്രീരാമകൃഷ്ണന് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam