കാട്ടാനകള് തമ്മില് ഏറ്റുമുട്ടി; കൊമ്പന് ഗുരുതരാവസ്ഥയില്
Synopsis
ചിറ്റാര്: ചിറ്റാറില് കാട്ടാനകള് തമ്മിലുണ്ടായ ഏറ്റുമുട്ടി. സംഭവത്തെ തുടര്ന്ന് ഒരു കൊമ്പന് അവശനിലയിലാണ്. വടശേരിക്കര ഫോറസ്റ്റ് റേഞ്ച് പരാധിയിലെ മണിയാര്- കട്ടച്ചിറ റോഡില് പേക്കാവ് വനത്തിലെ അടികുഴി ഭാഗത്താണ് 20 വയസു തോന്നിക്കുന്ന കാട്ടുകൊമ്പന് അവശ നിലയില് കിടക്കുന്നത്. കൊമ്പിനു താഴെ വായോടു ചേര്ന്ന ഭാഗത്ത് കുത്തേറ്റ് ഗുരുതര നിലയിലാണ്.
ഇന്നലെ രാവിലെ പേക്കാവ് വനത്തില് കൂപ്പിലെ പണിക്കു പോയ തൊഴിലാളികളാണ് കാട്ടാനയെ കണ്ടത്. ഇവര് മണിയാര് ഫോറസ്റ്റ് ചെക്പോസ്റ്റിലും വടശേരിക്കര റേഞ്ച് ഓഫീസിലും വിവരമറിയിച്ചു. സംഭവം അറിഞ്ഞ് വനപാലകര് ഉടന് തന്നെ സ്ഥലത്തെത്തി.
ഫോറസ്റ്റ് അധികൃതര് സ്ഥലത്തെത്തി സ്ഥിതിഗതികള് വിലയിരുത്തി. തേക്കടിയില്നിന്നു വനംവകുപ്പിന്റെ വെറ്ററിനറി ഡോക്ടറെത്തി ആനയ്ക്കു ചികില്സ നല്കി. വനപാലകരുടെ നിരീക്ഷണത്തിലാണ് ആന.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam