വൈവാഹിക ബലാത്സം​ഗം ക്രിമിനൽ കുറ്റമല്ല: സുപ്രിം കോടതി

മുംബൈ: വൈവാഹിക ജീവിതത്തിൽ  സ്ത്രീയുടെ സമ്മതമില്ലാതെ ലൈം​ഗിക ബന്ധത്തിലേർപ്പെടുന്നത് ക്രിമിനൽ കുറ്റമായി കാണാൻ കഴിയില്ലെന്ന് സുപ്രിം കോടതി. ഇന്ത്യൻ ശിക്ഷാനിയമത്തിൽ  ബലാത്സം​ഗത്തെ കുറിച്ചു പറയുന്ന 375 വകുപ്പിൽ 15 വയസിനുമുകളിൽ‍   പ്രായമുള്ള ഭാര്യയുമായി അവളുടെ താത്പര്യത്തിന് വിരുദ്ധമായി ഭർത്താവ്  ലൈംഗിക ബന്ധത്തിൽ ഏർപ്പെടുന്നത് ബലാത്സംഗമല്ല എന്ന് വ്യക്തമാക്കുന്നതായി കോടതി പറ‍ഞ്ഞു.

നിലവിൽ 15 വയസിന് താഴെ പ്രായമുള്ള ഭാര്യയോടെപ്പം സമ്മതത്തോടെയോ അല്ലാതെയോ ലൈം​ഗിക ബന്ധം പുല‍ർത്തുന്നത് കുറ്റകരമാണ്. ഇത് ബലാത്സം​ഗമായി തന്നെ പരി​ഗണിക്കുകയും ചെയ്യും. ഭാര്യയ്ക്ക് 15 വയസ് മുകളിൽ പ്രായമുണ്ടെങ്കിൽ 18 വയസിന് താഴയുാണെങ്കിലും അത് ബലാത്സം​ഗമായി കണക്കാക്കില്ല. 

പ്രായപൂർത്തിയാകാത്ത 15 മുതൽ 18 വരെ പ്രായമുള്ള സ്ത്രീകളുമായി ലൈം​ഗിക ബന്ധത്തിന് പുരുഷന് അനുമതി നൽകുന്ന നിയമത്തിനെതിരെ ഇൻ്റിപ്പെന്റന്റ് തോട്ട് എന്ന് സന്നദ്ധസംഘടന കോടതിയെ സമീപിക്കുകയായിരുന്നു. 

വിഷയം നേരത്തെ  പാർലമെന്റിൽ ചർച്ച ചെയ്തിരുന്നു.  വിശദമായ ചർച്ചകൾക്കൊടുവിൽ വൈവാഹിക ബലാത്സംഗത്തെ കുറ്റകരമായി കാണാനാവില്ലെന്നായിരുന്നു പാർലമെന്റിന്റെ വിലയിരുത്തൽ. കേന്ദ്ര സർക്കാർ നിലപാട് കോടതി അം​ഗീകരിക്കുകയായിരുന്നു. ജസ്റ്റിസുമാരായ എം.ബി.ലോകുർ, ദീപക് ഗുപ്ത എന്നിവരടങ്ങിയ ബെഞ്ചാണ് കേസ് പരി​ഗണിച്ചത്.