രണ്ടായിരം രൂപയുടെ ഫോട്ടോ കോപ്പി നല്കി തട്ടിപ്പ്: മൂന്ന് പേര് പിടിയില്
Synopsis
തിരുവനന്തപുരം: രണ്ടായിരം രൂപയുടെ ഫോട്ടോകോപ്പി നല്കി കബളിപ്പിക്കാന് ശ്രമിച്ച മൂന്നുപേരെ നെയ്യാറ്റിന്കരയില് പിടികൂടി. തമിഴ്നാട് തിരുനല്വേലി സ്വദേശികളായ മുഹമ്മദ് ഷറീഫ്, ഗണേശന്, മഹാലിംഗം എന്നിവരാണ് പിടിയിലായത്.
നെയ്യാറ്റിന്കരയിലെ ഒരു കടയില് നിന്ന് സാധനം വാങ്ങി, കടന്നുകളയാന് ശ്രമിച്ച മൂവരേയും, തട്ടിപ്പ് മനസ്സിലാക്കിയ കടയുടമ ഓടിച്ചിട്ട് പിടികൂടുകയായിരുന്നു. വ്യാജ നോട്ടുപയോഗിച്ച് മാറിയെടുത്ത ഇരുപതിനായിരം രൂപയുടെ ചില്ലറ നോട്ടുകള് ഇവരുടെ പക്കല് നിന്ന് കണ്ടെടുത്തു. കൂട്ടത്തിലുണ്ടായിരുന്ന ഒരാള് രക്ഷപ്പെട്ടു. ഇയാള്ക്കായി തെരച്ചില് ഊര്ജിതമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam