കോഴിക്കോട്: രാജൻ കേസിൽ കെ.കരുണാകരൻ രാജി വച്ചത് എന്തിനെന്ന് മനസ്സിലാകുന്നില്ലെന്ന് കെ.മുരളീധരൻ. രാജൻ കേസിൽ ഉദ്യോഗസ്ഥർ അദ്ദേഹത്തിന് തെറ്റായ വിവരങ്ങൾ നൽകുകയായിരുന്നുവെന്നും മുരളീധരൻ ആരോപിച്ചു.
കരുണാകരനെ ദ്രോഹിച്ച ചരിത്രം പരിശോധിച്ചാൽ പടയൊരുക്കം ബി ജെ പിക്കും സി പി എമ്മിനും എതിരായി അല്ല നടത്തേണ്ടി വരികയെന്നും കെ മുരളീധരന്‍ പറഞ്ഞു. ഒരേ ഇലയിൽ ഒപ്പം ഉണ്ടവർ പോലും അദ്ദേഹത്തെ ചതിച്ചു. അതു കൊണ്ടാണ് ചാര കേസ് വീണ്ടും ചർച്ച ചെയ്യേണ്ടെന്ന് പറഞ്ഞതെന്നും കെ.മുരളീധരൻ വിശദമാക്കി.