രണ്ടാം പകുതിയില് റഷ്യയുടെ ഗോള്മഴ
Synopsis
റഷ്യക്ക് മൂന്നാം ഗോള്
മോസ്കോ: റഷ്യന് ലോകകപ്പില് ഈജിപ്തിനെതിരെ രണ്ടാം പകുതിയില് റഷ്യയുടെ ഗോള്മഴ. മൂന്ന് മിനുറ്റുകളുടെ ഇടവേളയില് രണ്ട് ഗോളുകളാണ് റഷ്യ അടിച്ചുകൂട്ടിയത്. രണ്ടാം പകുതിയുടെ തുടക്കത്തില് സെല്ഫ് ഗോളിലൂടെ മുന്നിലെത്തിയ റഷ്യക്കുവേണ്ടി ചെറിഷേവ്, സ്യൂബ എന്നിവരുടെ വകയായിരുന്നു രണ്ടും മൂന്നും ഗോളുകള്.
കളിയില് ആദ്യ പകുതിയിലെ ഗോള് വരള്ച്ച രണ്ടാം പകുതിയുടെ തുടക്കത്തില് തന്നെ നാടകീയമായി അസ്തമിച്ചു. 47-ാം മിനുറ്റില് റഷ്യയുടെ സോബ്നിന്റെ ഷോട്ട് തടയാന് ശ്രമിച്ച ഈജിപ്ത് താരം ഫാത്തിയുടെ കാലില് തട്ടി പന്ത് ഗോള് പോസ്റ്റിലേക്ക് കയറിയതോടെ റഷ്യ മുന്നിലെത്തി.
പിന്നാലെ കണ്ടത് ഈജിപ്ഷ്യന് ഗോള്മുഖത്ത് റഷ്യയുടെ ഇരച്ചില്. 59-ാം മിനുറ്റില് ചെറിഷേവ് വലകുലുക്കി. ഈ ലോകകപ്പില് ചെറിഷേവിന്റെ മൂന്നാം ഗോള്. ഇതോടെ ടോപ് സ്കോറര്മാരില് പോര്ച്ചുഗലിന്റെ ക്രിസ്റ്റ്യാനോയ്ക്കൊപ്പമെത്തി. ഞെട്ടല് മാറും മുമ്പ് മൂന്ന് മിനുറ്റുകളുടെ ഇടവളയില് ഈജിപ്തിന് സ്യൂബയുടെ വര അടുത്ത പ്രഹരം. ലോകകപ്പില് സ്യൂബയുടെ രണ്ടാം ഗോളാണിത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam