സൗദിയിലെ സ്വദേശിവല്ക്കരണമേഖലകളില് വിദേശികളെ നാടുകടത്തണമെന്ന് ശൂറാ കൗണ്സില്
Synopsis
റിയാദ്: സൗദിയില് സ്വദേശിവത്കരണം നടപ്പിലാക്കുന്ന മേഖലകളില് ജോലിചെയ്യുന്ന വിദേശികളെ നാടുകടത്തണമെന്ന് ശൂറാ കൗണ്സില് അംഗങ്ങള്. കൂടുതല് മേഖലകളില് ഈ വര്ഷം സ്വദേശി വത്കരണ പദ്ദതിക്കു മന്ത്രാലയം പദ്ദതി തയ്യാറാക്കിയിരിക്കെയാണ് ശൂറാ കൗണ്സില് അംഗങ്ങളുടെ പുതിയ നിര്ദേശം.
രാജ്യത്തെ സ്വകാര്യ മേഖലയില് സ്വദേശി വത്കരണം നടപ്പാക്കുന്ന വിഭാഗങ്ങളില് ജോലിചെയ്യുന്ന വിദേശികളായ ജീവനക്കാരുടെ സ്പോണ്സര് ഷിപ്പ് മാറി നല്കരുതെന്നും പകരം അവരെ നാടുകടത്തണമെന്നും ശൂറാ കൗണ്സില് യോഗത്തിലാണ് ചില അംഗങ്ങള് ആവശ്യപ്പെട്ടത്. തൊഴില് സാമൂഹ്യ ക്ഷേമ മന്ത്രാലയത്തിന്റെ റിപ്പോര്ട്ടിംഗ് മേലുള്ള ചര്ച്ചയിലാണ് വിദേശികളെ ഏറെ പ്രതികൂലമായി ബാധിക്കുന്ന ഈ ആവശ്യം ഉന്നയിച്ചത്.
സ്വദേശിവത്കരണം നടപ്പാക്കുന്ന മേഖലയില് നിന്നും വിദേശ തൊഴിലാളികള് മറ്റു വിഭാഗത്തിലേക്കു മാറുന്നത് സ്വദേശികളുടെ അവസരങ്ങള് കുറക്കുകയാണ്. ചില പ്രത്യേക തൊഴിലുകള് ചില പ്രത്യേയക രാജ്യക്കാര് മാത്രമാണ് ചെയ്യുന്നത്. ഇത് പരിശോധിച്ച് ഈ മേഖലയില് സ്വദേശികള്ക്ക് പരിശീലനം നല്കി അവരെ നിയമിക്കണമെന്നും ചില അംഗങ്ങള് ആവശ്യപ്പെട്ടു. അടുത്തിടെ മൊബൈല് ഫോണ് വിപണന മേഖല നൂറു ശതമാനം സ്വദേശി വത്കരിച്ചിരുന്നു. ഈ മേഖലയില് ജോലിചെയ്തിരുന്ന വിദേശികള്ക്ക് മറ്റു തൊഴിലുകളിലേക്കു മാറുന്നതിനു അവസരവും നല്കിരുന്നു. ജ്വല്ലറികളില് സമ്പൂര്ണ സ്വദേശി വത്കരണം നടപ്പാക്കുന്നതിനു രണ്ട് മാസത്തെ സമയ പരിധി അനുവദിച്ചിട്ടുണ്ട്. കൂടുതല് മേഖലകളില് ഈ വര്ഷം സ്വദേശി വത്കരണ പദ്ദതിക്കു മന്ത്രാലയം പദ്ദതി തയ്യാറാക്കിയിരിക്കെയാണ് ശൂറാ കൗണ്സില് അംഗങ്ങളുടെ പുതിയ നിര്ദേശം. ഇത് വിദേശികളെ സംബന്ധിച്ചടത്തോളം ശുഭ സൂചകമല്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam