ഹർത്താലിനിടെ പൊലീസ് കസ്റ്റഡിയിലെടുത്ത ഗീതാനന്ദനെ വിട്ടയച്ചു

ഗീതാനന്ദനെ പൊലീസ് വിട്ടയച്ചു

കൊച്ചി: ഹൈക്കോടതി പരിസരത്ത് വാഹനങ്ങൾ തടഞ്ഞതിനെ തുടര്‍ന്ന് അറസ്റ്റിലായ ആദിവാസി ഗോത്രമഹാസഭ നേതാവ് ഗീതാനന്ദനെ പൊലീസ് വിട്ടയച്ചു. സംസ്ഥാനത്ത് ദളിത് സംഘടനകൾ ആഹ്വാനം ചെയ്ത ഹർത്താലിനിടെയാണ് ഗീതാനന്ദനെ അറസ്റ്റ് ചെയ്തത്. പലയിടങ്ങളിലും ഹ‍ർത്താലനുകൂലികൾ റോഡ് ഉപരോധിക്കുകയും വാഹനങ്ങൾ തടയുകയും ചെയ്തിരുന്നു. തിരുവനന്തപുരം തമ്പാനൂരിൽ സമരാനുകൂലികൾ റോഡ് ഉപരോധിക്കുകയും പ്രകടനം നടത്തുകയും ചെയ്തു. ഗീതാനന്ദനടക്കം 25 പേരെയാണ് പൊലീസ് കസ്റ്റഡിയിലെടുത്തത്. 3 വനിതകൾ കരുതൽ തടങ്കലിലാണെന്നും പൊലീസ് അറിയിച്ചിരുന്നു.