അനുയായികളെ പ്രകൃതി വിരുദ്ധ ലൈം​ഗിക ബന്ധത്തിന് പ്രേരിപ്പിച്ച ആൾദൈവം അറസ്റ്റിൽ

പ്രകൃതി വിരുദ്ധ ലൈം​ഗിക പീഡനം മഹാരാഷ്ട്രയിൽ സ്വയം പ്രഖ്യാപിത ആൾദൈവം അറസ്റ്റിൽ  

മഹാരാഷ്ട്ര: അനുയായികളെ പ്രകൃതി വിരുദ്ധ ലൈം​ഗിക ബന്ധത്തിന് നിർബന്ധിച്ച സ്വയം പ്രഖ്യാപിത ആൾദൈവത്തെ മഹാരാഷ്ട്രയിൽ അറസ്റ്റ് ചെയ്തു. മ​ഹാരാഷ്ട്രയിലെ പർബാനി ജില്ലയിലെ അസിഫ് നൂറിയാണ് അറസ്റ്റിലായത്. തന്റെ പുരുഷ അനുയായികളോട് പരസ്പരം ലൈം​ഗികതയിൽ ഏർപ്പെടാനാണ് ഇയാൾ ആവശ്യപ്പെട്ടത്. ഇത്തരത്തിൽ ആവശ്യപ്പെടുന്ന വീഡിയോയും ഓഡിയോയും സോഷ്യൽ മീഡിയയിൽ പ്രചരിച്ചിരുന്നു. ഇക്കാര്യങ്ങളിൽ തങ്ങൾക്ക് പരാതി ലഭിച്ചിരുന്നതായി പൊലീസ് വ്യക്തമാക്കി. 

സംസ്ഥാനത്തിന്റെ വിവിധ ഭാ​ഗങ്ങളിൽ നിന്നായി ജനങ്ങൾ ആസിഫ് നൂറിയെ സന്ദർശിക്കാനെത്തിയിരുന്നു. മിക്കവരും എത്തുന്നത് തങ്ങളുടെ വ്യക്തിപരമായ പ്രശ്നങ്ങൾ പറയാനും പരിഹാരം തേടാനുമാണ്. മറാത്ത്വാഡയിൽ ഒരു മദ്രസയിലാണ് നൂറി താമസിക്കുന്നത്. ആരാധനാലയങ്ങൾ അസൻമാർ​ഗിക പ്രവർത്തികൾ‌ക്ക് ഉപയോ​ഗിക്കുന്നതിനെതിരെയുള്ള നിയമപ്രകാരം നൂറിക്കെതിരെ കേസെടുത്താതായി പൊലീസ് വെളിപ്പെടുത്തുന്നു. കൂടാതെ പ്രകൃതി വിരുദ്ധ ലൈം​ഗിക ബന്ധത്തിന് പ്രേരിപ്പിച്ചതിനും ഇയാൾക്കെതിരെ കേസെടുത്തിട്ടുണ്ട്. വിവാഹം കഴിഞ്ഞ യുവാക്കളായ പുരുഷന്മാരെയാണ് നൂറി അനുയായികളായി തെരഞ്ഞെടുത്തിരുന്നത്. മയക്കുമരുന്ന് നൽകിയാണ് ഇവരെ പ്രകൃതി വിരുദ്ധ പീഡനത്തിന് ഇരകളാക്കിയിരുന്നതെന്നും പൊലീസ് പറഞ്ഞു.