വിവാഹത്തിന് നിമിഷങ്ങള് ബാക്കി നില്ക്കെ വരന് മരക്കൊമ്പില് തൂങ്ങി മരിച്ച നിലയില്
Synopsis
വിവാഹത്തലേന്ന് മുതല് അസിനെ കാണാനില്ലായിരുന്നു
ലക്നൗ: വിവാഹം നടക്കാന് നിമിഷങ്ങള് മാത്രം ബാക്കി നില്ക്കെ വരനെ തൂങ്ങി മരിച്ച നിലയില് കണ്ടെത്തി. 25കരനായ ആസ് മുഹമ്മദിനെയാണ് മരത്തില് കെട്ടി തൂങ്ങി മരിച്ച നിലയില് കണ്ടെത്തിയത്. വിവാഹത്തലേന്ന് മുതല് അസിനെ കാണാനില്ലായിരുന്നു. പിന്നീട് അന്വേഷിച്ചപ്പോഴാണ് മുസഫര് നഗറിലെ ഹിരന്വാഡ ഗ്രാമത്തിലെ വീടിന് സമീപത്തെ മരത്തിന് മുകളില് തൂങ്ങി മരിച്ച നിലയില് കണ്ടെത്തിയത്.
സംഭവത്തില് കേസെടുത്ത ബബ്രി പൊലീസ് അന്വേഷണം ആരംഭിച്ചു. ആസിന്റെ ശരീരത്തില് മുറിവേറ്റ പാടുകളുണ്ട്. അയാളുടെ മൃതദേഹം പോസ്റ്റുമോര്ട്ടം ചെയ്തു. റിപ്പോര്ട്ട് ലഭിച്ചതിന് ശേഷം കൂടുതല് വിവരങ്ങള് പറയാനാകൂ എന്ന് പൊലീസ് വ്യക്തമാക്കി. ആസ് മുഹമ്മദ് കൊല്ലപ്പെട്ടതാണെന്ന് സഹോദരനും ബന്ധുക്കളും ആരോപിച്ചു. ബന്ധുക്കള് വിവാഹത്തിന് ഇറങ്ങാന് ഒരുങ്ങുന്നതിനിടയൊണ് മൃതദേഹം കണ്ടെത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam