ഗുജറാത്തില്‍ ബിജെപി ഭരണം നിലനിര്‍ത്തുമെന്ന് എക്സിറ്റ് പോള്‍ ഫലങ്ങള്‍

ദില്ലി: ഗുജറാത്തിലും ഹിമാചലിലും ബിജെപി ഭരണം നേടുമെന്ന് എക്സിറ്റ് പോൾ ഫലം. ഗുജറാത്തിൽ രണ്ടു ഘട്ടമായി നടന്ന വോട്ടെടുപ്പ് അവസാനിച്ച സാഹചര്യത്തിലാണ് എക്സിറ്റ് പോൾ ഫലങ്ങൾ പുറത്തുവന്നത്. ഗുജറാത്തിൽ 182 മണ്ഡലങ്ങളും ഹിമാചലിൽ 68 മണ്ഡലങ്ങളുമാണുള്ളത്. ഗുജറാത്ത് തിരഞ്ഞെടുപ്പ് എക്സിറ്റ് പോൾ ഫലങ്ങൾ ഇങ്ങനെയാണ്. ടൈംസ് നൗ- ബിജെപി അധികാരം നിലനിർത്തും. 109 സീറ്റുകൾ വരെ നേടും. കോൺഗ്രസ് നില മെച്ചപ്പെടുത്തും. 70 സീറ്റുകൾ വരെ നേടും.

റിപ്പബ്ലിക് ടിവി- ബിജെപി 108 സീറ്റും  കോൺഗ്രസ് 78 സീറ്റും സീ വോട്ടർ ബിജെപി 116, കോൺഗ്രസ് 64 സീറ്റും നേടുമെന്നാണ് ഫലം. ന്യൂസ് എക്സ് ബിജെപി 110–120, കോൺഗ്രസ് 65–75 ഇന്ത്യ ടുഡേ– ആക്സിസ് ബിജെപി 99–113, കോൺഗ്രസ് 68–84, മറ്റുള്ളവർ 1–4. ഹിമാചൽ തിരഞ്ഞെടുപ്പ് എക്സിറ്റ് പോൾ ഫലങ്ങൾ- ഇന്ത്യ ടുഡേ സർവേ 68ൽ 55 സീറ്റ് ബിജെപിക്ക്. കോൺഗ്രസ് തകർന്നടിയുമെന്ന് സര്‍വ്വേ പറയുന്നു.