പത്തൊമ്പതുകാരൻ ജീവനൊടുക്കി; ആത്മഹത്യാകാരണം വിശദീകരിക്കുന്ന വീഡിയോ മാതാപിതാക്കൾക്ക്

ഹൈദരാബാദ്:   ​ആത്മഹത്യാകാരണം വിശദീകരിക്കുന്ന വീഡിയോ ചിത്രീകരിച്ച്​ പത്തൊമ്പതുകാരൻ ജീവനൊടുക്കി. വാതുവെപ്പിൽ കുരുങ്ങിയാണ്​ ജീവിതം അവസാനിപ്പിക്കുന്നതെന്ന്​ പറയുന്ന വീഡിയോയിൽ, ഇനിയാരും വാതുവെപ്പില്‍ പങ്കെടുക്കരുതെന്നും ഇയാള്‍ ആവശ്യപ്പെടുന്നുണ്ട്. ഹൈദരാബാദിനടുത്ത ദോഫാൻപള്ളി ഗ്രാമത്തിലെ വിജയ്(19)​ എന്ന നരസിങാണ് മരത്തിൽ കെട്ടിത്തൂങ്ങി മരിച്ചത്​.

വാട്​സാപ്പിലൂടെ രണ്ട്​ ദിവസം മുമ്പാണ്​ വിജയിന്റെ മാതാപിതാക്കൾക്ക്​ ഇൗ വീഡിയോ ലഭിച്ചത്. എന്നാൽ വിജയ് ഒരിക്കലും വാതുവെപ്പിൽ ഏർപ്പിടില്ലെന്ന് മാതാപിതാക്കൾ പറയുന്നു. എന്നാല്‍ മാതാപിതാക്കള്‍ പണം കൊടുക്കാത്തതിൽ വിജയ് വളരെ ദു:ഖിതനായിരുന്നുവെന്നും ബന്ധുക്കൾ പോലീസിന് മൊഴി നൽകിയിട്ടുണ്ട്. സംഭവവുമായി ബന്ധപ്പെട്ട് അന്വേഷണം പുരോഗമിക്കുകയാണെന്ന് പൊലീസ് വൃത്തങ്ങള്‍ അറിയിച്ചു. .