ഐഎംഎ ഡോക്ടര്മാരുടെ സമരം അവസാനിപ്പിച്ചു
Synopsis
തിരുവനന്തപുരം: ദേശീയ മെഡിക്കല് കമ്മീഷന് ബില്ലിനെതിരെ ഇന്ത്യന് മെഡിക്കല് അസോസിയേഷന് ആഹ്വാനം ചെയ്ത മെഡിക്കല് ബന്ദ് പിന്വലിച്ചു. വിവാദ മെഡിക്കൽ കമ്മീഷൻ ബില്ല് സ്റ്റാന്റിംഗ് കമ്മിറ്റിയ്ക്ക് വിടാൻ തയ്യാറാണെന്ന് കേന്ദ്രം പ്രതികരിച്ചതിന് പിന്നാലെയാണ് ഐ എം എ നിലവിലെ സമര പരിപാടികൾ നിർത്തിയത്. രാജ് ഭവനിലെ അനിശ്ചിതകാല നിരാഹാരം ഐഎംഎ അംഗങ്ങള് അവസാനിപ്പിച്ചു.
വിഷയത്തില് തീരുമാനം സെലക്ട് കമ്മിറ്റിയ്ക്ക് വിട്ട കേന്ദ്രസര്ക്കാര് ബജറ്റ് സമ്മേളനത്തിന് മുമ്പ് റിപ്പോർട്ട് നൽകണമെന്നാണ് നിര്ദേശം നല്കിയിട്ടുണ്ട്. ആയുര്വേദം സിദ്ധ ഹോമിയോ എന്നിവയില് ബിരുദം നേടിയവര്ക്ക് ബ്രിഡ്ജ് കോഴ്സ് പാസായാല് അലോപ്പത്തി ചികിത്സയ്ക്കും അനുമതി നല്കുന്ന മെഡിക്കല് കമ്മീഷന് ബില്ലിലാണ് ഇന്ന് ലോക്ഭയില് വിശദമായ ചര്ച്ച നടന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam