
ചെന്നൈ: ഇൻഡിഗോ വിമാനവും ഇന്ത്യൻ വ്യോമസേന വിമാനവും തമ്മിലുള്ള ആകാശ കൂട്ടിയിടി ഒഴിവായത് തലനാരിഴയ്ക്ക്. ഇൻഡിഗോ പൈലറ്റ് വിമാനം സുരക്ഷിതമായ അകലത്തിലേയ്ക്ക് ഉയർത്തിയതാണ് അപകടം ഒഴിവാകാൻ കാരണമായത്. ചെന്നൈയിൽ കഴിഞ്ഞ തിങ്കളാഴ്ച രാത്രി 9.49 ന് ആയിരുന്നു സംഭവം. രണ്ടു വിമാനങ്ങളും 300 അടി അകലത്തിലാണ് പറന്നുമാറിയത്. കോക്പിറ്റിലെ ഓട്ടോ-ജനറേറ്റഡ് സംവിധാനം സന്ദേശം നൽകിയതോടെ പൈലറ്റ് അപകടം ഒഴിവാക്കുകയായിരുന്നു. ഇൻഡിഗോ സംഭവം സ്ഥിരീകരിച്ചു. എന്നാൽ വ്യോമസേന ഇക്കാര്യം സ്ഥിരീകരിക്കാൻ തയാറായിട്ടില്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam