ഐഎസ് തലവന് അബുബക്കര് അല്-ബാഗ്ദാദിയെ റഷ്യ കൊലപ്പെടുത്തി?
Synopsis
മോസ്കോ: ഇസ്ലാമിക് സ്റ്റേറ്റ് തലവന് അബുബക്കര് അല്-ബാഗ്ദ്ധാദി കൊല്ലപ്പെട്ടതായി അന്താരാഷ്ട്ര വാര്ത്താ ഏജന്സികള് റിപ്പോര്ട്ട് ചെയ്യുന്നു. സിറിയന് നഗരമായ റഖായില് റഷ്യന് നടത്തിയ വ്യോമാക്രമണത്തില് അല്-ബാഗ്ദ്ധാദി കൊല്ലപ്പെട്ടതായാണ് സൂചന. മെയ് 28ന് ഇസ്ലാമിക് സ്റ്റേറ്റ് ഉന്നതതല നേതാക്കളുടെ യോഗം നടന്ന കെട്ടിടത്തിനുനേരെയാണ് റഷ്യ വ്യോമാക്രമണം നടത്തിയത്. ആക്രമണത്തില് നിരവധി ആളുകള് കൊല്ലപ്പെട്ടിരുന്നു. ആ കെട്ടിടത്തില് അല്-ബാഗ്ദ്ധാദിയുമുണ്ടായിരുന്നതായാണ് ഇപ്പോള് സിറിയയിലെ ഉള്പ്പടെ വിവിധ ടിവി ചാനലുകളെ ഉദ്ദരിച്ച് വാര്ത്താ ഏജന്സികള് റിപ്പോര്ട്ട് ചെയ്യുന്നത്. എന്നാല് ഇക്കാര്യത്തില് ഔദ്യോഗിക വെളിപ്പെടുത്തല് നടത്താന് റഷ്യയോ ഇസ്ലാമിക് സ്റ്റേറ്റോ ഇതുവരെ തയ്യാറായിട്ടില്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam