ജെ പി നദ്ദയ്ക്കു നേരെ വിദ്യാര്ഥികളുടെ മഷിയേറ്
Synopsis
കേന്ദ്ര ആരോഗ്യമന്ത്രി ജെ പി നദ്ദയ്ക്കു നേരെ ഭോപ്പാല് എയിംസിലെ മെഡിക്കല് വിദ്യാര്ഥികളുടെ മഷിയേറ്. ഭോപ്പാല് എയിംസ് ആശുപത്രിയിലെ അടിസ്ഥാന സൗകര്യങ്ങള് വര്ധിപ്പിക്കണമെന്നാവശ്യപ്പെട്ട് സമരം ചെയ്തുവന്ന മെഡിക്കല് വിദ്യാര്ഥികളാണ് സ്ഥലം സന്ദര്ശിക്കാനെത്തിയ മന്ത്രിയുടെ ദേഹത്തേയ്ക്കു മഷിയെറിഞ്ഞത്.
വിവിധ പദ്ധതികളുടെ ഉദ്ഘാടനത്തിനായി എയിംസ് ക്യാംപസിലെത്തിയ മന്ത്രിക്ക് മുമ്പാകെ തങ്ങളുടെ പ്രശ്നങ്ങള് ഉന്നയിക്കുവാന് സമരം ചെയ്യുന്ന വിദ്യര്ത്ഥികള് ശ്രമിച്ചിരുന്നു. എന്നാല് ഉദ്ഘാടചടങ്ങുകള്ക്ക് ശേഷം സമരക്കാരെ കാണാതെ കേന്ദ്രമന്ത്രി ക്യാംപസ് വിടാനൊരുങ്ങിയതോടെ ക്ഷുഭിതരായ വിദ്യര്ത്ഥികള് കാറില് കയറാന് തുടങ്ങിയ മന്ത്രിക്കു നേരെ മഷിയെറിഞ്ഞു.പ്രവര്ത്തനം തുടങ്ങി 13വര്ഷമായിട്ടും എയിംസിലെ പലവിഭാഗങ്ങളും ഇനിയും പ്രവര്ത്തന സജ്ജമായിട്ടില്ലെന്ന് വിദ്യാര്ത്ഥികള് പറയുന്നു.
സമരക്കാരെ പിരിച്ചുവിടാന് പോലീസ് ബലം പ്രയോഗിച്ചു. സംഘര്ഷത്തില് രണ്ടു വിദ്യാര്ത്ഥികള്ക്ക് നിസാര പരിക്കേറ്റു. സുരക്ഷാ ഉദ്യോഗസ്ഥര് ഉടന്തന്നെ മന്ത്രിയെ സംഭവസ്ഥലത്തുനിന്ന് മാറ്റി. മന്ത്രിയെത്തുമ്പോള് അന്പതിലധികം മെഡിക്കല് വിദ്യാര്ഥികള് സമരസ്ഥലത്തുണ്ടായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam