ജയലളിതയുടെ മരണത്തില് ജുഡീഷ്യല് അന്വേഷണം
Synopsis
ചെന്നൈ: ജയലളിതയുടെ മരണത്തില് ജുഡീഷ്യല് അന്വേഷണം പ്രഖ്യാപിച്ചു . തമിഴ്നാട് കാവല്മുഖ്യമന്ത്രി ഒ പനീര്ശെല്വമാണ് ജുഡീഷ്യല് അന്വേഷണം പ്രഖ്യാപിച്ചത്. മരണത്തില് എല്ലാവര്ക്കും സംശയം ഉണ്ടെന്ന് പനീര്ശെല്വം പറഞ്ഞു . അന്വേഷണം സര്ക്കാരിന്റെ കടമയാണെന്നും ആവശ്യമെങ്കില് രാജി പിന്വലിക്കുമെന്ന് പനീര്ശെല്വം വ്യക്തമാക്കി.
വാര്ത്താ സമ്മേളനത്തില് ശശികലയ്ക്കെതിരെ പനീര്ശെല്വം ആഞ്ഞടിച്ചു. പാര്ട്ടിക്ക് പുതിയ ജനറല് സെക്രട്ടറിയെ തെരഞ്ഞെടുക്കണമെന്ന് പനീര്ശെല്വം ആവശ്യപ്പെട്ടു. നിയമസഭയില് ഭൂരിപക്ഷം തെളിയിക്കും. ഗവര്ണര് തിരിച്ചെത്തിയാല് ഉടന് കാണും. ജനങ്ങള് മുഴുവന് തനിക്കൊപ്പമാണെന്ന് അവകാശപ്പെട്ട കാവല്മുഖ്യമന്ത്രി ജയലളിതയുടെ മരുമകള് ഉള്പ്പെടെ പിന്തുണയ്ക്കുന്നവരെ ക്ഷണിക്കുമെന്നും തമിഴ് ജനതയെ പിന്തുണയ്ക്കുന്ന ആരുടേയും സഹായം സ്വീകരിക്കുമെന്നും വ്യക്തമാക്കി. പാര്ട്ടിയോടുള്ള കടമ നിര്വഹിക്കുമെന്നും താന് ഒരിക്കലും പാര്ട്ടിയെ ചതിച്ചിട്ടില്ലെന്നും പാര്ട്ടിക്ക് ദോഷം ചെയ്തിട്ടില്ലെന്നും പനീര്ശെല്വം മാധ്യമങ്ങളോട് പറഞ്ഞു.
അതിനിടെ അണ്ണാ ഡിഎംകെ എംഎല്എമാരുടെ യോഗം നീട്ടിവച്ചു .
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam