ഓണക്കാലത്ത് കൂടുതല് വിമാനങ്ങള്: മുഖ്യമന്ത്രിയുടെ കത്ത് കേന്ദ്രത്തിന്
Synopsis
തിരുവനന്തപുരം: ഓണക്കാലത്തെ തിരക്ക് കണക്കിലെടുത്ത് ഗള്ഫ് നാടുകളില്നിന്ന് കേരളത്തിലേക്കും തിരിച്ചും കൂടുതല് വിമാന സര്വീസ് അനുവദിക്കണമെന്ന് മുഖ്യമന്ത്രി പിണറായി വിജയൻ. ഇക്കാര്യം ആവശ്യപ്പെട്ട് കേന്ദ്ര സിവില് ഏവിയേഷന് മന്ത്രി അശോക് ഗജപതി രാജുവിന് മുഖ്യമന്ത്രി കത്തയച്ചു.
ആഗസ്റ്റ് 27-നും സപ്തംബര് 15-നും ഇടയ്ക്കുളള ദിവസങ്ങളില് വിദേശ വിമാന കമ്പനികള്ക്ക് ഉഭയകക്ഷി ധാരണ പ്രകാരം കൂടുതല് സീറ്റുകള് അനുവദിക്കണം. 15,000 സീറ്റുകളെങ്കിലും അധികം അനുവദിച്ചാല് ഉത്സവ സീസണുകളില് തിരക്ക് കുത്തനെ ഉയര്ത്തുന്ന പ്രവണത നിയന്ത്രിക്കാന് കഴിയുമെന്നും മുഖ്യമന്ത്രി കത്തിൽ ആവശ്യപ്പെടുന്നു.
ഓണക്കാലത്ത് പ്രധാന നഗരങ്ങളില്നിന്ന് കേരളത്തിലേക്കും തിരിച്ചും കൂടുതൽ സ്പെഷല് ട്രെയിന് അനുവദിക്കണമെന്ന് ആവശ്യപ്പെട്ട് റെയില്വെ മന്ത്രി സുരേഷ് പ്രഭുവിനും മുഖ്യമന്ത്രി കത്തയച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam