ആഢംബര ജീവിതം കൊതിച്ച് 23 കാരനോടൊപ്പം ഒളിച്ചോടിയ വീട്ടമ്മ

ച​വ​റ: കാമുകനൊപ്പം മുങ്ങിയ ര​ണ്ട് കു​ട്ടി​ക​ളു​ടെ മാ​താ​വാ​യ യു​വ​തിയെ വയനാട് ജില്ലയിലെ കൽപ്പറ്റയിൽ നിന്ന് പോലീസ് കസ്റ്റഡിയില്‍ എടുത്തു. ച​വ​റ സ്വ​ദേ​ശി​നി​യാ​യ 28 വയസുകാ​രി​യെയാണ് പ​ന്മ​ന ന​ടു​വ​ത്തേ​രി സ്വ​ദേ​ശി​യാ​യ 23 വയസുകാ​ര​നാ​യ കാ​മു​ക​നോ​ടൊ​പ്പം പിടിയിലായത്. ക​ഴി​ഞ്ഞ മാസം 18-നാ​ണ് യു​വ​തി കാ​മു​ക​നോ​ടൊ​പ്പം മു​ങ്ങി​യ​ത്. യു​വ​തി​യു​ടെ ഭ​ർ​ത്താ​വ് ന​ട​ത്തി​വ​രു​ന്ന കടയിലെ ജീ​വ​ന​ക്കാ​ര​നാ​യി​രു​ന്നു യു​വാ​വ്. 

മൂ​ന്നു​വ​ർ​ഷം മു​ന്‍പാണ് ഇ​യാ​ൾ ക​ട​യി​ൽ ജോ​ലി​ക്കു​വ​ന്ന​ത്. ഇതിനിടെ കടയുടമയുടെ ഭാര്യയുമായി യുവാവ് പ്രണയത്തിലായി. സം​ഭ​വ​മ​റി​ഞ്ഞ യു​വ​തി​യു​ടെ ഭ​ർ​ത്താ​വ് എ​ട്ടു​മാ​സം മു​ന്പ് യു​വാ​വി​നെ ക​ട​യി​ൽ​നി​ന്ന് പി​രി​ച്ചു​വി​ട്ടു. ഇ​തി​നു​ശേ​ഷം ഇ​രു​വ​രും ത​മ്മി​ൽ മൊ​ബൈ​ൽ​ ഫോ​ണി​ലൂ​ടെ ബന്ധം തുടർന്നു വരികയായിരുന്നു.

യുവതി യുവാവിനോടൊപ്പം പോയതിനെ തുടര്‍ന്ന് ഭ​ർ​ത്താ​വി​ന്‍റെ പ​രാ​തിയിൽ ച​വ​റ സിഐ അ​ന്വേ​ഷ​ണം ന​ട​ത്തി​വ​രി​ക​യാ​യി​രു​ന്നു. ബ​ന്ധു​വീ​ടു​ക​ളി​ൽ അ​ന്വേ​ഷി​ച്ചെ​ങ്കി​ലും യു​വ​തി​യെ ക​ണ്ടെ​ത്താ​ൻ കഴിഞ്ഞിരുന്നില്ല. സു​ൽ​ത്താ​ൻ ​ബ​ത്തേ​രി​യി​ലു​ള്ള ഒ​രു എ​ടി​എ​മ്മി​ൽ​ നി​ന്ന് യു​വ​തി 40,000 രൂ​പ പി​ൻ​വ​ലി​ച്ച​താ​യി പോ​ലീ​സി​ന് വി​വ​രം ല​ഭി​ച്ചു. അ​ടു​ത്ത​ ദി​വ​സം വ​യ​നാ​ട്ടി​ലു​ള്ള ഒ​രു എ​ടി​എം കൗ​ണ്ട​റി​ൽ​നി​ന്ന് വീ​ണ്ടും 40,000 രൂ​പ​ പി​ൻ​വ​ലി​ച്ച​താ​യു​ള്ള വി​വ​ര​ത്തെ​തു​ട​ർ​ന്ന് പോ​ലീ​സ് വ​യ​നാ​ട് കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ത്തി. 

ഇ​തി​നി​ട​യി​ൽ ല​ഭി​ച്ച ഫോ​ൺ ന​മ്പർ മ​ഞ്ചേ​രി​യി​ലു​ള്ള ഒ​രു യു​വാ​വി​ന്‍റേ​താ​യി​രു​ന്നു. ഇ​യാ​ളെ പോ​ലീ​സ് പി​ടി​കൂ​ടി ചോ​ദ്യം ചെ​യ്ത​പ്പോ​ഴാ​ണ് അ​ടു​ത്തി​ടെ പ​രി​ച​യ​പ്പെ​ട്ട യു​വ​തി​യു​ടെ​യും കാ​മു​ക​ന്‍റെ​യും വി​വ​ര​ങ്ങ​ൾ ല​ഭി​ച്ച​ത്. തു​ട​ർ​ന്ന് ക​ൽ​പ്പ​റ്റ​യി​ലു​ള്ള ഒ​രു ഹോ​ട്ട​ലി​ന് സ​മീ​പം ​വ​ച്ച് ബൈ​ക്കി​ൽ വ​രി​ക​യാ​യി​രു​ന്ന കാ​മു​ക​നേ​യും കാ​മു​കി​യേ​യും ക​ൽ​പ്പ​റ്റ പോ​ലീ​സി​ന്‍റെ സ​ഹാ​യ​ത്തോ​ടെ ച​വ​റ പോ​ലീ​സ് പി​ടി​കൂ​ടു​ക​യാ​യി​രു​ന്നു.

40 പ​വ​നും പത്ത് ല​ക്ഷം രൂ​പ​യു​മാ​യാ​ണ് യു​വ​തി വീ​ടു​വി​ട്ട​തെ​ന്ന് ഭ​ർ​ത്താ​വ് ന​ൽ​കി​യ പ​രാ​തി​യി​ൽ പ​റ​യു​ന്നു. ഇ​വ​രെ ഇ​ന്ന് കോ​ട​തി​യി​ൽ ഹാ​ജ​രാ​ക്കു​മെ​ന്ന് ച​വ​റ പോ​ലീ​സ് അ​റി​യി​ച്ചു.