തിരുവനന്തപുരം: സംസ്ഥാനത്ത് പകര്‍ച്ച പനി പടര്‍ന്ന് പിടിക്കുന്നു. നാല് മാസത്തിനിടെ മാത്രം സംസ്ഥാനത്ത് പനി പിടിച്ച് മരിച്ചത് 62 പേരാണ്. ആരോഗ്യ വകുപ്പിന്റെ കണക്ക് പ്രകാരമാണിത്. പ്രതിരോധ പ്രവര്‍ത്തനങ്ങളില്‍ സര്‍ക്കാര്‍ കുറ്റകരമായ വീഴ്ച വരുത്തിയെന്ന് പ്രതിപക്ഷം നിയമസഭയില്‍ ആരോപിച്ചു.
സ്ഥിതി ഗുരുതരമാണെന്നും എന്നാല്‍ അവശ്യ മരുന്നുകളടക്കം എത്തിച്ച് സര്‍ക്കാര്‍ പ്രതിരോധ പ്രവര്‍ത്തനം ശക്തമാക്കിയിട്ടുണ്ടെന്ന് ആരോഗ്യമന്ത്രി കെകെ ഷൈലജ പറഞ്ഞു. ഈ വര്‍ഷം പനി പിടിച്ചത് 7 ലക്ഷം പേര്‍ക്കാണ്. എച്ച് വണ്‍ എന്‍ വണ്‍ പനി പടര്‍്‌നന് പിടിക്കുകയാണ്. 62 പേര്‍ മരിച്ചതില്‍ 32 പേരുടെ മരണ കാരണം എച്ച് വണ്‍ എന്‍ വണ്‍ ആണെന്ന് കണ്ടെത്തിയിട്ടുണ്ട്.