കെവിന്റെ കൊലപാതകം: ഷാനുവിനെയും ചാക്കോയെയും 4 ദിവസത്തെ പൊലീസ് കസ്റ്റഡിയിൽ വിട്ടു

ഷാനുവിനെയും ചാക്കോയെയും 4 ദിവസത്തെ പൊലീസ് കസ്റ്റഡിയിൽ വിട്ടു

കോട്ടയം: കെവിൻ വധക്കേസിലെ മുഖ്യപ്രതികളായ ഷാനു ചാക്കോ, അച്ഛൻ ചാക്കോ എന്നിവരെ 4 ദിവസത്തെ പൊലീസ് കസ്റ്റഡിയിൽ വിട്ടു. ഇവരെ തിങ്കളാഴ്ച വൈകിട്ട് കോടതിയിൽ ഹാജരാക്കണം. 

അതേസമയം കസ്റ്റഡിയിലുള്ള 2 പൊലീസുകാർ കുറ്റകൃത്യത്തിനായി ഷാനുവിനെ സഹായിച്ചതായി തെളിവില്ലെന്നാണ് പൊലീസ് വിശദികരിക്കുന്നത്. കേസിൽ പൊലീസിന്റെ വീഴ്ച കൂടുതൽ വ്യക്തമാക്കുന്നതാണ് അന്വേഷണ സംഘത്തിന്റെ കണ്ടെത്തൽ.

കെവിനെ തട്ടിക്കൊണ്ടുപോയ വിവരം പുലർച്ചെ മൂന്നര തന്നെ ഗാന്ധിനഗർ സ്റ്റേഷനിൽ  വിവരം  അറിയിച്ചിരുന്നുവെന്നാണ് ഫോൺ റെക്കോഡുകൾ പരിശോധിച്ച സംഘം കണ്ടെത്തിയത്. കേസിൽ ഇതുവരെ 9 പേരാണ് അറസ്റ്റിലായത് ഇനി നാല് പേർ കൂടി പിടിയിലാവാനുണ്ട്.