സമരം നിര്‍ത്തിയാല്‍ മാത്രം ചര്‍ച്ചയെന്ന് മന്ത്രിസഭ, സമരം കൂടുതൽ ശക്തമാക്കുമെന്ന് കെജിഎംഒ

സമരം കൂടുതൽ ശക്തമാക്കുമെന്ന് കെജിഎംഒ

തിരുവനന്തപുരം: സമരം കൂടുതൽ ശക്തമാക്കുമെന്ന് കെജിഎംഒ. അടുത്ത നടപടികൾ നാളത്തെ സംസ്ഥാന സമിതിയിൽ തീരുമാനിക്കുമെന്ന് കെജിഎംഒ വ്യക്തമാക്കി. സര്‍ക്കാര്‍ ആശുപത്രികളിലെ ഡോക്ടര്‍മാര്‍ നടത്തുന്ന സമരത്തെ കര്‍ശനമായി നേരിടാന്‍ മന്ത്രിസഭാ യോഗത്തില്‍ തീരുമാനമെടുത്തിരുന്നു. സമരം നിര്‍ത്തിയാല്‍ മാത്രം ചര്‍ച്ച നടത്തിയാല്‍ മതിയെന്നാണ് ഇന്ന് രാവിലെ ചേര്‍ന്ന മന്ത്രിസഭാ യോഗത്തിലെ തീരുമാനം. സമരത്തെ നേരിടാന്‍ കര്‍ശന നടപടി സ്വീകരിക്കാന്‍ ആരോഗ്യമന്ത്രിയോട് മുഖ്യമന്ത്രി നിര്‍ദേശിക്കുകയും ചെയ്തിരുന്നു. ഡോക്ടർമാരോട് സർക്കാറിന് യുദ്ധപ്രഖ്യാപനം ഇല്ലെന്നും ഡോക്ടർമാർ ആരെയാണ് വെല്ലുവിളിക്കുന്നതെന്ന് ആരോഗ്യ മന്ത്രി ചോദിച്ചു.