ഗാനഗന്ധര്വന് കോഴിക്കോടിന്റെ പിറന്നാള് സമ്മാനം
Synopsis
കോഴിക്കോട്: ഗാനഗന്ധര്വന് യേശുദാസിന് ജന്മദിനാശംസകള് നേര്ന്നു കൊണ്ട് കോഴിക്കോട് 12 മണിക്കൂര് നീണ്ട ഗാനാഞ്ജലി. ജനുവരി 10 ന് രാവിലെ 10 മണി മുതല് കോഴിക്കോട് ടൗണ് ഹാളിലാണ് പരിപാടി സംഘടിപ്പിക്കുന്നത്.
നഗരത്തില് പുതുതായി രൂപം കൊണ്ട റ്റൂ ക്ലഫ്സ് മ്യൂസിക് ബാന്ഡാണ് ഈ ഉദ്യമത്തിനു പിന്നില്. സംഗീത സംവിധായകനും, ഗായകനും, പ്രസിദ്ധ സംഗീത സംവിധായകന് രാജാമണിയുടെ ശിഷ്യനുമായ കുമാര്വല്സല് ആണ് ഈ ഗാനാഞ്ജലി നയിക്കുന്നത്. തെരഞ്ഞെടുക്കപ്പെട്ട 70 ഓളം ഗാനങ്ങള് അവതരിപ്പിക്കുന്ന പരിപാടി എ. പ്രദീപ് കുമാര് എംഎല്എ ഉദ്ഘാടനം ചെയ്യും. കവിയും ഗാനരചയിതാവുമായ പി.കെ. ഗോപി ചടങ്ങില് വിശിഷ്ടാതിഥി ആയിരിക്കും. ഇത്രയും തെരഞ്ഞെടുക്കപ്പെട്ട ഗാനങ്ങള് ഒരുവേദിയില് ഒരുദിവസം കൊണ്ട് ആലപിക്കുന്നത് കോഴിക്കോടിന് ഒരു പുതിയ അനുഭവമായിരിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam