ആദ്യ ഫലം കെഎന്‍എ ഖാദറിന് അനുകൂലം; യുഡിഎഫ് ലീഡ് ആയിരം കടന്നു

മലപ്പുറം: വേങ്ങര ഉപതെരഞ്ഞെടുപ്പിന്റെ വോട്ടെണ്ണല്‍ പുരോഗമിക്കവെ ആദ്യ ഫലസൂചന യുഡിഎഫ് സ്ഥാനാര്‍ത്ഥിക്ക് അനുുകൂലം. യുഡിഎഫ് സ്ഥാനാര്‍ത്ഥി മുസ്ലീംലീഗിനെ കെ എന്‍എ ഖാദറിന്റെ ലീഡ് ആയിരം കടന്നു. എല്‍ഡിഎഫ് സ്ഥാനാര്‍ത്ഥി സിപിഐഎമ്മിലെ പിപി ബഷീറാണ് രണ്ടാം സ്ഥാനത്തുള്ളത്. പത്ത് ബൂത്തുകളിലെ വോട്ടെണ്ണല്‍ പൂര്‍ത്തിയായപ്പോഴാണ് കെഎന്‍എ ഖാദറിന്റെ ലീഡ് ആയിരം കടന്നത്. തിരൂരങ്ങാടി പി എസ് എം ഒ കോളേജിലാണ് വോട്ടെണ്ണല്‍ നടക്കുന്നത്. ഒരു റൗണ്ടില്‍ 14 ബൂത്തുകള്‍ വീതം ആകെ 12 റൗണ്ടുകളിലായി 165 ബൂത്തുകളാണുള്ളത്. ആദ്യ റൗണ്ട് വോട്ടെണ്ണല്‍ പൂര്‍ത്തിയായപ്പോള്‍ ഖാദര്‍ 1200ലേറെ വോട്ടുകള്‍ക്ക് മുന്നിലാണ്. ലീഗിന്റെ ഉറച്ചകോട്ടയായ വേങ്ങരയില്‍ എല്‍ഡിഎഫ് അട്ടിമറി ജയം സ്വപ്‌നം കാണുമ്പോള്‍, ഭൂരിപക്ഷം വര്‍ദ്ധിപ്പിച്ച് വിജയിക്കാമെന്നാണ് യുഡിഎഫ് പ്രതീക്ഷ.