രാഷ്ട്രീയ സംഘട്ടനങ്ങളെ എതിര്‍ത്ത് കോടിയേരിയും കുമ്മനവും

രാഷ്ട്രീയ സംഘട്ടനങ്ങളെ എതിര്‍ത്ത് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണനും  ബിജെപി സംസ്ഥാന പ്രസിഡന്‍റ് കുമ്മനം രാജശേഖരനും. രാഷ്ട്രീയ സംഘട്ടനങ്ങള്‍ ഉണ്ടായാല്‍ രാഷ്ട്രീയ എതിരാളികളുടെ തലയില്‍ കുറ്റം കെട്ടിവയ്ക്കുന്ന  പ്രവണത രാഷ്ട്രീയ പാര്‍ട്ടികള്‍ ഒഴിവാക്കണമെന്ന് കോടിയേരി ബാലകൃഷ്ണൻ പറഞ്ഞപ്പോള്‍ ആശയപരമായ അഭിപ്രായ വ്യത്യാസങ്ങള്‍ സംഘട്ടനങ്ങളിലേക്കെത്തുന്നത് ദൗര്‍ഭാഗ്യകരമാണെന്ന് കുമ്മനം രാജശേഖരൻ പറഞ്ഞു. എണ്‍പത്തിനാലാമത് ശിവഗിരി തീര്‍ത്ഥാടന സമ്മേളനത്തില്‍ സംസാരിക്കുമ്പോഴായിരുന്നു ഇരുവരും രാഷ്ട്രീയ സംഘട്ടനങ്ങള്‍ക്കെതിരെ നിലപാടെടുത്തത്.

ശിവഗിരി തീര്‍ത്ഥാടന സമ്മേളനത്തിന്‍റെ ഭാഗമായി സംഘടിപ്പിച്ച സംഘർഷമില്ലാത്ത സംഘടന എന്ന സെമിനാര്‍ ഉദ്ഘാടനം ചെയ്തു കൊണ്ട് സംസാരിക്കുകായിരുന്നു കൊടിയേരി ബാലകൃഷ്ണൻ. അന്വേഷണ ഏജൻസികളെ രാഷ്ട്രീയമായി സ്വാധീനിക്കുന്ന രീതി കൂടി വരുന്നുവെന്നും ഇത് ഇല്ലാതാകണമെന്നും കോടിയേരി പറഞ്ഞു.

ആശയപരമായ അഭിപ്രായ വ്യത്യാസങ്ങളാണ് സംഘട്ടനങ്ങളിലേക്കെത്തുന്നുവെന്ന് മുഖ്യപ്രഭാഷണം നടത്തിയ കുമ്മനം രാജശേഖരൻ പറഞ്ഞു. ആശയത്തെ ആശയം കൊണ്ട് നേരിടണമെന്നും കുമ്മനം പറഞ്ഞു.

വി ഡി സതീശൻ ബിനോയ് വിശ്വം തുടങ്ങിയവരും സെമിനാറില്‍ പങ്കെടുത്തു. മൂന്ന് ദിവസം നീണ്ടുനിന്ന ശിവഗിരി തീര്‍ത്ഥാടനത്തിന് സമാപനമായി