വിലക്ക്​ നീക്കി; വിമാനങ്ങളിൽ ഇനി ലാപ്​ടോപ്പുമായി പറക്കാം

കെയ്റോ: ഈജിപ്ത്, മൊറോക്കോ എയർലൈൻനുകളിൽ ലാപ്​ടോപ്പുമായുള്ള യാത്രയ്ക്ക് ഏര്‍പ്പെടുത്തിയിരുന്ന വിലക്ക്​ നീക്കി.  സൗദി അറേബ്യയിലെ രണ്ട് എയർപോർട്ടുകളിൽ ഒഴികെ മറ്റ് എല്ലായിടത്തും  വിലക്ക് നീക്കിയിട്ടുണ്ട്​. ഇലക്ട്രോണിക് ഉപകരണങ്ങളിൽ ഒളിപ്പിച്ച ബോബ് ഉപയോഗിച്ച് സ്ഫോടനം നടത്തുമെന്ന ഐ.എസ്  ഭീഷണിയാണ്​  നേരത്തെ വിലക്കിന് വഴി വഴിവെച്ചത്​.  

എന്നാൽ  സൗദി അറേബ്യയിലെ രണ്ട് വിമാനത്താവളങ്ങളില്‍ ഇപ്പോഴും വിലക്ക് നിലനിൽക്കുന്നു. റിയാദ്​, ജിദ്ദ എയർപോർട്ടുകളിലാണ്​ വിലക്ക്​ തുടരുക. പ്രധാനമായും മൊറോക്കോ, ഇൗജിപ്​ത്​, ജോർദാൻ, സൗദി, ഖത്തർ, കുവൈത്ത്​, യു.എ.ഇ, തുർക്കി എന്നീ രാജ്യങ്ങളിലെ എയർപോർട്ടുകളെയാണ്​ വിലക്ക് ബാധിച്ചിരുന്നത്​.