ഇത്രയും സ്നേഹം ഉണ്ടായിരുന്നെന്ന് ഞാന്‍ പ്രതീക്ഷിച്ചില്ല: കെഎം മാണി

ബിജെപിയെ ശക്തിപ്പെടുത്താന്‍ മാത്രമേ ഈ നീക്കം സഹായിക്കുവെന്ന് വിഎം സുധീരന്‍

തിരുവനന്തപുരം: രണ്ട് വര്‍ഷത്തിന് ശേഷം തിരികെയെത്തുമ്പോള്‍ നിങ്ങള്‍ക്ക് ഇത്രയും സ്നേഹം എന്നോട് ഉണ്ടായിരുന്നെന്ന് പ്രതീക്ഷിച്ചില്ലെന്ന് യുഡിഎഫ് യോഗത്തില്‍ പറഞ്ഞു. മതനിരപേക്ഷ കക്ഷികളുടെ കൂട്ടായ്മ ശക്തിപ്പെടുത്താനാണ് തീരുമാനം . തിരിച്ചുവരവ് മുന്നണിക്കും കർഷകർക്കും ഗുണം ചെയ്യുമെന്ന് മാണി വിലയിരുത്തി. യുഡിഎഫിനോട് നന്ദിയുണ്ടെന്നും സ്നേഹത്തെക്കുറിച്ചുള്ള പരാമര്‍ശത്തിനും പിന്നാലെ സദസില്‍ ചിരിപൊട്ടി. 

മാണി യുഡിഎഫിലേക്ക് തിരികെയെത്തിയ യോഗത്തില്‍ നിന്ന് വിഎം സുധീരന്‍ ഇറങ്ങിപ്പോയി. ബിജെപിയെ ശക്തിപ്പെടുത്താന്‍ മാത്രമേ ഈ നീക്കം സഹായിക്കുവെന്ന് സുധീരന്‍ പറഞ്ഞു. നീക്കത്തില്‍ ശക്തമായ വിയോജിപ്പ് ഉണ്ടെന്ന് വിഎം സുധീരന്‍ പറഞ്ഞു. ദില്ലി ചർച്ചക്ക് പോയ നേതാക്കൾ വഞ്ചന പരമായ നിലപാട് എടുത്തുവെന്ന് സുധീരന്‍ ആരോപിച്ചു.