നിറതോക്കുമായി സെല്ഫിയെടുത്ത യുവാവ് വെടിയേറ്റ് കൊല്ലപ്പെട്ടു
Synopsis
മെല്ബണ്: ഓസ്ട്രേലിയയിലെ മെല്ബണില് സുഹൃത്തുക്കള്ക്കൊപ്പം നിറതോക്കുമായി സെല്ഫിയെടുത്ത യുവാവ് വെടിയേറ്റ് കൊല്ലപ്പെട്ടു. മെല്ബണിലെ പാര്ക്ക് ഇന് മോട്ടലില് സുഹൃത്തുക്കള്ക്കൊപ്പം സെല്ഫിയെടുക്കുന്നതിനിടെയാണ് അഹമ്മദ് ഹസ്സനു നേര്ക്ക് സുഹൃത്ത് ആല്ബെര്ട്ട് റപോവ്സ്കി (20) വെടിയുതിര്ത്തത്.
ഹസന്റെ മുഖത്താണ് വെടിയേറ്റത്. തോക്ക് ശരിയായി ഉപയോഗിക്കാന് അറിയാത്ത റപോവ്സ്കിയ്ക്ക് സംഭവിച്ച അബദ്ധമാണ് ദുരന്തത്തിലേക്ക് നയിച്ചത്. ഇയാള്ക്ക് തോക്ക് ഉപയോഗിക്കാന് ലൈസന്സും ഇല്ലായിരുന്നുവെന്ന് സൂചനയുണ്ട്.
വെടിവയ്പിനു ശേഷം മോട്ടലില് നിന്ന് രക്ഷപ്പെട്ട റപോവ്സ്കിയെ മാസിഡോണിയയിലേക്ക് കടക്കാനുള്ള ശ്രമത്തിനിടെ വിമാനത്താവളത്തില് നിന്നൂം കസ്റ്റംസ് അധികൃതര് അറസ്റ്റു ചെയ്തു. ഇയാളെ മെല്ബണ് മജിസ്ട്രേറ്റ് കോടതിയില് ഹാജരാക്കി. കൊലക്കുറ്റമാണ് ഇയാള്ക്കെതിരെ ചുമത്തിയിരിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam