നാല് കുട്ടികള്ക്ക് ഒരു ഓക്സിജന് സിലിണ്ടര്; യുപിയില് മൂന്ന് കുട്ടികള് ശ്വാസം മുട്ടി മരിച്ചു
Synopsis
ഓക്സിജന് ലഭിക്കാതെ ഉത്തര് പ്രദേശില് മൂന്ന് കുട്ടികള് മരിച്ചു ആശുപത്രി അധികൃതരുടെ അനാസ്ഥയെന്ന് ബന്ധുക്കള്
ലക്നൗ: ഉത്തര്പ്രദേശിലൊ ഗൊരഖ്പൂരില് ആശുപത്രി അധികൃതരുടെ അനാസ്ഥ മൂലം 72 കുട്ടികള് മരിച്ച് 10 മാസം പിന്നിടുമ്പോള് ലക്നൗവില് ഓക്സിജന് ലഭിക്കാതെ ഒരു കുടുംബത്തിലെ മൂന്ന് കുട്ടികള് മരിച്ചതായി പരാതി. നാല് നവജാത ശിശുക്കള്ക്കും ലക്നൗവിലെ കിംഗ് ജോര്ജ് മെഡിക്കല് ആശുപത്രി ഒരു ഓക്സിജന് സിലിണ്ടര് മാത്രമാണ് നല്കിയതെന്നും ആശുപത്രി അധികൃതരുടെ അനാസ്ഥ മൂലം ശ്വാസം കിട്ടാതെയാണ് തങ്ങളുടെ കുട്ടികള് മരിച്ചതെന്ന് ബന്ധുക്കള് പറഞ്ഞു.
അതേസമയം ബന്ധുക്കളുടെ ആരോപണം ആശുപത്രി അധികൃതര് നിഷേധിച്ചു. നാല് കുട്ടികളില് ഒരാള് മരിച്ചത് ഹൃദയാഘാതത്തെ തുടര്ന്നാണെന്നും മറ്റുള്ളവരെ കുട്ടികള്ക്കായുള്ള ഐസിയുവില് പ്രവേശിപ്പിച്ചിരുന്നതായും അധികൃതര് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam