പ്രായപൂർത്തിയാകാത്ത പെൺകുട്ടിയെ മൂന്നംഗ സംഘം കൂട്ടബലാത്സംഗത്തിനിരയാക്കി

ഫരീദാബാദ്​: പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി മൂന്നംഗ സംഘം കൂട്ടബലാത്സംഗത്തിനിരയാക്കി. ​സ്​ത്രീകൾക്ക്​ നേരെയുള്ള അതിക്രമങ്ങൾ വർധിക്കുന്ന ഹരിയാനയിൽ നിന്ന്​ തന്നെയാണ്​ ഈ പീഡനവാർത്തയും പുറത്തുവരുന്നത്​. സോഹ്​ന ​റോഡിൽ വെള്ളിയാഴ്​ച വൈകി​ട്ടോടെയായിരുന്നു സംഭവം.

അച്​ഛ​ന്‍റെ സഹോദരിക്കൊപ്പം ​വയലിൽ ജോലിയെടുക്കാനായി ഉച്ചയോടെ നടന്നുപോകു​മ്പോഴായിരുന്നു സംഭവം. പെൺകുട്ടിയുടെ ഗ്രാമത്തിൽ തന്നെയുള്ള മൂന്നംഗ സംഘം കാറിൽ എത്തി പെൺകുട്ടിയെ തട്ടികൊണ്ടുപോവുകയായിരുന്നു. മൂന്ന്​ പേർക്കെതിരെയും കേസ്​ രജിസ്​റ്റർ ചെയ്​ത്​ പൊലീസ്​ അന്വേഷണം ആരംഭിച്ചു.

ഹരിയാനയിൽ കൂട്ടബലാത്സംഗ​ക്കേസുകൾ വർധിക്കു​ന്നതിനി​ടെ പൊലീസ്​ ഈ കേസ്​ ആദ്യം മറച്ചുവെക്കാൻ ശ്രമിക്കുകയായിരുന്നു​. എന്നാൽ ഫരീദാബാദിൽ പുതുതായി ചുമതലയേറ്റ പൊലീസ്​ കമീഷണർ സംഭവം സ്​ഥിരീകരിച്ചു.