അതിരപ്പിള്ളി വെള്ളച്ചാട്ടം തനിയെ ഉണ്ടായതല്ലെന്ന് മന്ത്രി എംഎം മണി

കണ്ണൂര്‍: അതിരപ്പിള്ളി പദ്ധതിയുടെ കാര്യത്തില്‍ പരിസ്ഥിതി പ്രവര്‍ത്തകരെ വിമര്‍ശിച്ചു മന്ത്രി എം എം. മണി. അതിരപ്പിള്ളി വെള്ളച്ചാട്ടം പൃകൃതി സ്വമേധയാ ഉണ്ടാക്കിയതല്ലെന്നും, കെ എസ് ഇ ബിയുടെ തന്നെ മറ്റൊരു പദ്ധതിയുടെ ഭാഗമായി ഉണ്ടായതാണെന്നും ഉള്ള സത്യം പരിസ്ഥിതി വാദികള്‍ മറച്ചു വെച്ച് വിവാദം ഉണ്ടാക്കുകയാണെന്നു മന്ത്രി പറഞ്ഞു. പദ്ധതിയുടെ കാര്യം പറഞ്ഞാല്‍ തന്നെ ആകെ വഷളാണെന്നും, എല്‍ ഡി എഫിനകത്ത് തന്നെ തര്‍ക്കം വരുമെന്നും മന്ത്രി പറഞ്ഞു. ഇക്കാര്യങ്ങള്‍ ജനങ്ങള്‍ അറിയാന്‍ ചര്‍ച്ചയും വിവാദവും വരുന്നത് നല്ലതാണെന്നും എം എം മണി പറഞ്ഞു.