കുല്ഭൂഷനെ കാണാന് അമ്മയും ഭാര്യയും നാളെ പാകിസ്ഥാനിലേക്ക്
Synopsis
ഇസ്ലാമാബാദ്: കുല്ഭൂഷന് ജാധവിനെ സന്ദര്ശിക്കുന്നതിന് അമ്മയും ഭാര്യയും നാളെ പാകിസ്ഥാനിലേക്ക് പോകും. ചാരപ്രവൃത്തി ആരോപിച്ച് പാകിസ്ഥാന് വധശിക്ഷയ്ക്ക് വിധിച്ച് ജയിലില് കഴിയുന്ന ഇന്ത്യന് നാവികസേനാ മുന് ഉദ്യോഗസ്ഥനാണ് കുല്ഭൂഷന് ജാധവ്. തിങ്കാളാഴ്ച രാവിലെ പാകിസ്ഥാനിലെത്തുന്ന ഇവര് വൈകുന്നേരത്തോടെ ജാധവിനെ കണ്ട് മടങ്ങും. ഇന്ത്യയുടെ ഔദ്യോഗിക പ്രതിനിധിയായി ഇസ്ലാമാബാദിലെ ഡെപ്യൂട്ടി ഹൈക്കമ്മീഷന് കമ്മീഷണര് ജെ.പി.സിംഗ് ജയിലില് ഇവരെ അനുഗമിക്കും.
അമ്മയ്ക്കും ഭാര്യയ്ക്കും അദ്ദേഹത്തിനെ കാണുന്നതിനായി ഡിസംബര് 20 നാണ് പാകിസ്ഥാന് വിസ അനുവദിച്ചത്. ജാധവിന്റെ കുടുംബം പല തവണ വിസക്ക് അപേക്ഷിച്ചിരുന്നെങ്കിലും പാകിസ്ഥാന് അത് നിഷേധിക്കുകയായിരുന്നു. ചാരപ്രവര്ത്തി കേസില് ജയിലില് അടച്ചവര്ക്ക് സന്ദര്ശകരെ അനുവദിക്കില്ലെന്നായിരുന്നു പാകിസ്ഥാന്റെ വാദം.
ഇന്ത്യക്ക് വേണ്ടി ബലുചിസ്ഥാനില് ഭീകരപ്രവര്ത്തനങ്ങളും ചാരപ്രവര്ത്തിയും നടത്തിയെന്നാരോപിച്ച് കഴിഞ്ഞ ഏപ്രിലിലാണ് പാക് സൈനിക കോടതി ജാധവിനെ വധശിക്ഷയ്ക്ക് വിധിച്ചത്. ഇതേതുടര്ന്ന് ഇന്ത്യ അന്താരാഷ്ട്ര കോടതിയെ സമീപിച്ചു. ഇതേതുടര്ന്ന് കോടതി വധശിക്ഷ തടഞ്ഞു. ബിസിനസ് ആവശ്യത്തിന് ഇറാനിലെത്തിയ ജാദവിനെ പാകിസ്ഥാന് ബലൂചിസ്ഥാനിലേക്ക് തട്ടിക്കൊണ്ടുവന്നതാണെന്നും പാകിസ്ഥാന്റെ ആരോപണങ്ങള് കെട്ടിച്ചമച്ചതാണെന്നുമാണ് ഇന്ത്യ അന്താരാഷ്ട്ര കോടതിയില് വാദിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam