ബോം​ബു​ണ്ടെ​ന്ന് ക​ളി​യാ​യി പ​റ​ഞ്ഞ മും​ബൈ മോ​ഡ​ലി​നെ പോ​ലീ​സ് അ​റ​സ്റ്റ് ചെ​യ്തു

മും​ബൈ: വി​മാ​ന​ത്തി​ൽ ബോം​ബു​ണ്ടെ​ന്ന് ക​ളി​യാ​യി പ​റ​ഞ്ഞ മും​ബൈ മോ​ഡ​ലി​നെ പോ​ലീ​സ് അ​റ​സ്റ്റ് ചെ​യ്തു. കാ​ഞ്ച​ന്‍ താ​ക്കൂ​ര്‍ (27) ആ​ണ് അ​റ​സ്റ്റി​ലാ​യ​ത്. സ​ഹ​ര്‍ വി​മാ​ന​ത്താ​വ​ള​ത്തി​ല്‍ വ്യാ​ഴാ​ഴ്ച രാ​ത്രി​യാ​ണ് നാ​ട​കീ​യ സം​ഭ​വ​ങ്ങ​ള്‍ അ​ര​ങ്ങേ​റി​യ​ത്. എ​യ​ർ ഇ​ന്ത്യ വി​മാ​ന​ത്തി​ൽ ഡ​ൽ​ഹി​ക്കു​പോ​കാ​നെ​ത്തി​യ​താ​യി​രു​ന്നു കാ​ഞ്ച​ൻ. ഇ​വ​ർ​ക്കൊ​പ്പം മൂ​ന്നു സു​ഹൃ​ത്തു​ക്ക​ളു​മു​ണ്ടാ​യി​രു​ന്നു. 

ബോ​ര്‍​ഡിം​ഗ് ഗേ​റ്റ് ആ​ദ്യം ക​ട​ന്ന മോ​ഡ​ല്‍ ത​ന്‍റെ കൂ​ടെ​യു​ള്ള ഒ​രു സു​ഹൃ​ത്തി​ന്‍റെ ബാ​ഗ് പ​രി​ശോ​ധി​ക്കു​മ്പോ​ള്‍ സൂ​ക്ഷി​ക്ക​ണ​മെ​ന്നും അ​തി​ൽ ബോം​ബു​ണ്ടെ​ന്നും സു​ര​ക്ഷാ ഉ​ദ്യോ​ഗ​സ്ഥ​രോ​ടും പ​റ​ഞ്ഞു. ഇ​തോ​ടെ സി​ഐ​എ​സ്എ​ഫും വി​മാ​ന​ത്താ​വ​ള അ​ധി​കൃ​ത​രും സ്ഥ​ല​ത്തെ​ത്തി പ​രി​ശോ​ധ​ന ആ​രം​ഭി​ച്ചു. 

കൂ​ടാ​തെ വി​മാ​ന​ത്താ​വ​ള​ത്തി​ലു​ണ്ടാ​യി​രു​ന്ന സി​ഐ​എ​സ്എ​ഫ് ജ​വാ​ന്മാ​രോ​ട് കാ​ഞ്ച​ന്‍ വാ​ഗ്വാ​ദ​ത്തി​ലേ​ര്‍​പ്പെ​ടു​ക​യും ചെ​യ്തു. കാ​ഞ്ച​നു​ൾ​പ്പെ​ടെ നാ​ലു യു​വ​തി​ക​ളെ​യും ചോ​ദ്യം ചെ​യ്യു​ക​യും പോ​കാ​ൻ അ​നു​വ​ദി​ക്കാ​തെ പി​ടി​ച്ചു​വ​യ്ക്കു​ക​യും ചെ​യ്തു. ബോം​ബ് പ്ര​ശ്‌​ന​ത്തെ​ത്തു​ട​ര്‍​ന്ന് രാ​ത്രി ഒ​ന്പ​തി​ന് പോ​കേണ്ടി​യി​രു​ന്ന വി​മാ​നം ഒ​രു മ​ണി​ക്കൂ​ര്‍ വൈ​കി​യാ​ണ് ഡ​ല്‍​ഹി​യി​ലേ​ക്ക് പോ​യ​ത്.