മുത്തലാഖ്: മൂന്ന് വര്ഷം തടവുമായി കരട് ബില്ലിന് രൂപം നല്കി
Synopsis
ന്യൂഡല്ഹി: മുത്തലാഖ് ക്രിമിനല് കുറ്റമാക്കുന്ന കരട് ബില് പാര്ലമെന്റിന്റെ ശീതകാല സമ്മേളനത്തില് അവതരിപ്പിക്കാന് ലക്ഷ്യമിട്ട് കേന്ദ്രസര്ക്കാര്. ഇതിന് മുന്നോടിയായി നിയമത്തിനുള്ള കരട് ബില്ലിന് കേന്ദ്രസര്ക്കാര് രൂപം നല്കി. മുത്തലാഖ് നടത്തുന്നവര്ക്ക് മൂന്ന് വര്ഷം തടവുശിക്ഷ ലഭിക്കുന്ന തരത്തിലുള്ള വ്യവസ്ഥകളാണ് കരട് ബില്ലിലുള്ളതെന്ന് പി.ടി.ഐ വാര്ത്താ ഏജന്സി റിപ്പോര്ട്ടു ചെയ്തു.
കരട് ബില്ല് പ്രകാരം വാക്കാലോ ഇമെയിലില് കൂടിയോ എസ്എംഎസ് ആയോ വാട്സ്ആപ് മെസേജായോ മുത്തലാഖ് നടത്തുന്നത് ക്രിമിനല് കുറ്റമാണ്. മുത്തലാഖിന് ഇരയാക്കപ്പെടുന്ന സ്ത്രീക്ക് കോടതിയെ സമീപിച്ച് തനിക്കും കുട്ടികള്ക്കും ജീവനാംശം ലഭിക്കാനായി പരാതി നല്കാം. കുട്ടികളുടെ സംരക്ഷണവും ജീവനാംശവും നിയമത്തില് ഉറപ്പ് നല്കുന്നു.
കരട് ബില്ലിലെ വ്യവസ്ഥകള് അംഗീകരിച്ച കേന്ദ്രസര്ക്കാര് ബില്ലിന്റെ പകര്പ്പ് സംസ്ഥാനങ്ങള്ക്ക് അയച്ചു. സംസ്ഥാനങ്ങളുടെ അഭിപ്രായങ്ങള് കൂടി പരിഗണിച്ച ശേഷമായിരിക്കും ബില്ല് പാര്ലമെന്റില് അവതരിപ്പിക്കുക. ജമ്മു കശ്മീര് ഒഴികെയുള്ള എല്ലാ സംസ്ഥാനങ്ങളും നിയമത്തിന്റെ പരിധിയില് വരും. മുത്തലാഖ് ക്രിമിനല് കുറ്റമാക്കുന്നതിനുള്ള നിയമനിര്മ്മാണം സംബന്ധിച്ച കൂടിയാലോചനകള്ക്കായി കേന്ദ്രം മന്ത്രിതലസമിതി രൂപീകരിച്ചിരുന്നു. കഴിഞ്ഞ ഓഗസ്റ്റിലാണ് സുപ്രീംകോടതി മുത്തലാഖ് നിരോധിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam