നിപ്പ വൈറസ്: രോ​ഗലക്ഷണങ്ങളുമായി ഒരാൾ കോട്ടയം മെഡി.കോളേജിൽ

ഇയാളുടെ രക്തപരിശോധന ഫലം ലഭിച്ചാൽ മാത്രമേ രോ​ഗം സ്ഥിരീകരിക്കാൻ സാധിക്കൂ

കോഴിക്കോട്: നിപ്പ വൈറസ് റിപ്പോർട്ട് ചെയ്ത പേരാമ്പ്രയിൽ നിന്നുമെത്തിയ ഒരാളെ രോ​ഗലക്ഷണങ്ങളുമായി കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇന്നലെ രാത്രിയാണ് ഇയാൾ മെഡിക്കൽ കോളേജിൽ ചികിത്സ തേടിയത്. ഇയാളിപ്പോൾ നിരീക്ഷണവാർഡിലാണെന്നും  ഇയാളുടെ രക്തപരിശോധന ഫലം ലഭിച്ചാൽ മാത്രമേ രോ​ഗം സ്ഥിരീകരിക്കാൻ സാധിക്കൂവെന്നും ഡോക്ടർമാർ അറിയിച്ചു. 

കോട്ടയത്തിന്‍റെ മലയോരമേഖലകളില്‍ നിലവില്‍ ഡെങ്കിപ്പനിയും മറ്റു പകര്‍ച്ച വ്യാധികളും പടരുന്നുണ്ട്. ഇങ്ങനെ വല പനിയുമാണോ ഇയാള്‍ക്ക് വന്നതെന്നും സംശയമുണ്ട്. അതിനിടെ നിപ്പ വൈറസിനെതിരെ കർണാടകയിലും ജാ​ഗ്രതാനിർദേശം പുറപ്പെടുവിച്ചു. കുടക്, മംഗളുരു, ചാമരാജ്നഗർ, മൈസൂരു ജില്ലകളിൽ ജാഗ്രത നിർദ്ദേശം നൽകിയിരിക്കുന്നത്.