ഓഖിയില് കാണാതായവരെ കുറിച്ചുള്ള പരാതി ജനുവരി 15ന് മുമ്പ് നല്കണം
Synopsis
തിരുവനന്തപുരം: ഓഖി ചുഴലിക്കാറ്റില് കാണാതായവരെക്കുറിച്ചുള്ള പരാതി ജനുവരി 15 ന് മുമ്പ് അടുത്തുള്ള പൊലീസ് സ്റ്റേഷനില് നല്കണമെന്ന് സംസ്ഥാന ദുരിതാശ്വാസ കമ്മീഷണര് അറിയിച്ചു. കാണാതായ വ്യക്തികളുടെ അടുത്ത ബന്ധുക്കള് പൊലീസ് നിര്ദ്ദേശാനുസരണം തിരുവനന്തപുരം രാജീവ് ഗാന്ധി സെന്റര് ഫോര് ബയോടെക്നോളജിയില് ഡി.എന്.എ ടെസ്റ്റ് നടത്തുന്നതിന് സഹകരിക്കണമെന്നും കമ്മീഷ്ണര് പറഞ്ഞു.
ഇപ്പോള് മോര്ച്ചറിയില് സൂക്ഷിച്ചിട്ടുള്ള മൃതദേഹങ്ങളുടെ ഡി.എന്.എ സാമ്പിള് രാജീവ് ഗാന്ധി സെന്റര് ഫോര് ബയോടെക്നോളജിയില് ശേഖരിച്ചിട്ടുണ്ട്. കാണാതായ വ്യക്തികളുടെ ഡി.എന്.എ അടുത്ത ബന്ധുക്കളുടേതുമായി ഒത്തുനോക്കേണ്ടതുണ്ട്. ജനുവരി 22 നകം ഡി.എന്.എ ഒത്തുനോക്കല് പ്രക്രിയ പൂര്ത്തിയാകും. ഡി.എന്.എ ചേരുന്ന മൃതദേഹങ്ങള് കുടുംബത്തിന് വിട്ടു നല്കും. ജനുവരി 22 ന് ശേഷം മൃതദേഹങ്ങള് നിയമം അനുശാസിക്കുന്ന വിധം മറവു ചെയ്യുമെന്നും ദുരിതാശ്വാസ കമ്മീഷണര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam