ബാബുവിന്‍റെ വീട്ടിലെ റെയ്‍ഡ്; തെളിവൊന്നും കിട്ടിയില്ലെന്ന് ഉമ്മന്‍ ചാണ്ടി

കോട്ടയം: കെ ബാബുവിന്‍റെ വീട്ടിൽ റെയ്ഡ് നടത്തിയ വിജിലന്‍സിന് ഒരു തെളിവും കണ്ടെത്താനായില്ലെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. റെയ്ഡ് നടത്തി ആഴ്ചകള്‍ കഴിഞ്ഞിട്ടും അതിൽ കണ്ടെത്തിയ കാര്യം ജനങ്ങളെ അറിയിക്കാത്തത് എന്താണ് . ബാര്‍ പൂട്ടിയതു കൊണ്ട് നഷ്ടം വന്ന ഒരാളുടെ ആരോപണങ്ങളുടെ അടിസ്ഥാനത്തിൽ മാത്രം സര്‍ക്കാര്‍ പ്രവര്‍ത്തിക്കുന്നത് ശരിയല്ലെന്നും അദ്ദേഹം പറഞ്ഞു . കോട്ടയം ജില്ലാ യു ഡി എഫ് യോഗത്തിൽ സംസാരിക്കുകയായിരുന്നു ഉമ്മൻ ചാണ്ടി .